Քաղաքացիակենտրոն
լրատվություն

Վանդալիզմն Արցախի գրավյալ տարածքներում շարունակվում է․ ոչնչացվել են Շուշիի Սուրբ Ղազանչեցոց եկեղեցու դարպասների վրա տեղադրված հրեշտակների արձանները․ ՏԵՍԱՆՅՈՒԹ

Վանդալիզմն Արցախի գրավյալ տարածքներում շարունակվում է․ ոչնչացվել են Շուշիի Սուրբ Ղազանչեցոց եկեղեցու դարպասների վրա տեղադրված հրեշտակների արձանները․ ՏԵՍԱՆՅՈՒԹ
---
17:30, 26 апрель 2021
Ադրբեջանական աղբյուրների կողմից հրապարակված տեսանյութում երևում է ադրբեջանական վանդալիզմի ևս մեկ գործողություն: Մասնավորապես՝ ոչնչացվել են Շուշիի Սուրբ Ղազանչեցոց եկեղեցու դարպասներին տեղադրված հրեշտակների արձանները: Քանդված է նաև եկեղեցու շուրջ տեղադրված ցանկապատը:
Հիշեցնենք, որ Ադրբեջանը շարունակում է խոչընդոտել ՅՈՒՆԵՍԿՕ-ի առաքելության այցը ԼՂ գրավյալ տարածքներ։ Պատերազմի օրերին հսկայական վնաս է հասցվել Արցախի պատմամշակութային հուշարձաններին: Տիգրանակերտի հնագիտական ճամբարը ենթարկվեց ադրբեջանական զինված ուժերի հրետակոծությանը, կրկնակի հրթիռակոծվեց Շուշիի խորհրդանիշ Ղազանչեցոց եկեղեցին։ Այդ ժամանակահատվածում առաջ եկավ Շուշիի թանգարաններում պահվող ցուցանմուշները փրկելու հարցը: Պարզվեց՝ միայն գորգերի մասնավոր թանգարանի ցուցանմուշներն են տարհանվել հոկտեմբերին: Երբ արդեն վճռվել էր պատերազմի ելքը, հայտնի դարձավ, որ ադրբեջանցիները պղծել են Ղազանչեցոց տաճարը։ Լրջորեն վնասվել է Շուշիի Կանաչ ժամ եկեղեցին. գրեթե ամբողջությամբ ավերվել են եկեղեցու գմբեթն ու զանգակատունը։ Բացի այդ, վանդալիզմի էր ենթարկվել Մատաղիսի Սուրբ Եղիշե եկեղեցին և Հադրութում գտնվող հայկական եկեղեցու գերեզմանոցը։
Տեսանյութ