Քաղաքացիակենտրոն
լրատվություն

Բաքուն չեղարկել է Կոնստանտին Գենիչի՝ Եվրո-2020-ի հավատարմագրումը Արցախում ֆուտբոլի մրցաշարին մասնակցելու պատճառով

Բաքուն չեղարկել է Կոնստանտին Գենիչի՝ Եվրո-2020-ի հավատարմագրումը Արցախում ֆուտբոլի մրցաշարին մասնակցելու պատճառով
---
19:35, 12 июнь 2021
Ֆուտբոլային մեկնաբան Կոնստանտին Գենիչը Telegram-ի ալիքում հայտարարել է առաջիկա՝ 2020-ի Եվրոպայի առաջնության համար իր հավատարմագրման չեղարկման մասին՝ տեղեկացնում է РИА Новости-ն:

Ռուս լրագրողը նշել է, որ նախ ՈՒԵՖԱ-ից իր հավատարմագրումը հաստատող նամակ է ստացել: Նրա խոսքով՝ որոշման փոփոխության պատճառը 2009-ին Լեռնային Ղարաբաղում ԱՊՀ և Բալթյան երկրների ֆուտբոլի մրցաշարին իր մասնակցությունն է եղել:

«Իմ փոստին ՈՒԵՖԱ-ից նամակ է եկել, որտեղ սևով սպիտակի վրա գրված է՝ Դուք ստուգումը չեք անցել, Եվրո-2020-ի հավատարմագրում ստանալու համար Ձեր թեկնածությանը հավանություն չի տրվել: Ձեր հավատարմագրումը մերժված է: Այս որոշումը վերջնական է: Բոլոր հարցերը .... Եվ նշված է «Բաքու-2020» ադրբեջանական կողմի փոստի հասցեն»,- գրել է Գենիչը: