Քաղաքացիակենտրոն
լրատվություն

Գևորգ Պապոյանն «Ամբեր կապիտալ» ընկերության ներկայացուցիչների հետ հանդիպմանը կարևորել է ներդրումների աճի խթանումը

Գևորգ Պապոյանն «Ամբեր կապիտալ» ընկերության ներկայացուցիչների հետ հանդիպմանը կարևորել է ներդրումների աճի խթանումը
Տնտեսություն
12:01, 01 апрель 2024
Նախարար Գևորգ Պապոյանն ընդունել է «Ամբեր կապիտալ» ընկերության ներկայացուցիչներին։
 
Ընկերության գործադիր տնօրեն Անուշավան Սիմոնյանը ներկայացրել է «Ամբեր կապիտալ» ընկերության կողմից կառավարվող ԵՄ-Հայաստան ՓՄՁ ֆոնդի գործունեությունը, ներդրումային քաղաքականությունը և իրականացված ներդրումները։
 
Անդրադարձ է կատարվել ֆոնդի գործունեության համար հետաքրքրական ոլորտներին (գյուղատնտեսություն, վերականգնվող էներգետիկա և այլն)։
 
Նախարարը կարևորել է ներդրումային ֆոնդի գործունեությունը Հայաստանի կապիտալի շուկայի զարգացման և լավ կորպորատիվ կառավարման մշակույթի ներդրման համատեքստում, պատրաստակամություն հայտնել շարունակել փոխգործակցությունը՝ նպաստելով Հայաստանի Հանրապետությունում ներդրումների աճի խթանմանը: