Վրաստանում հացը հնարավոր է թանկանա

Վրաստանում մասնագետները հացի թանկացում են կանխատեսում։ Մասնավորապես, հացի գինը կարող է հասնել 1,40 լարիի։  Հիմնական պատճառն այս անգամ Չիկագոյի և Փարիզի բորսաներն են, որտեղ ցորենի գինը ընդամենը մեկ շաբաթվա ընթացքում 320 դոլարից հասել է 350 դոլարի, ինչը հակառեկորդ է վերջին 9 տարվա ընթացքում։ Հունիսի 1-ի դրությամբ ցորենի գինը 240 դոլար էր. գրում է aliq.ge-ն:

Կորոնավիրուսի համաճարակի հետևանքով տարբեր ապրանքների, այդ թվում՝ ցորենի պահանջարկն աճում է, բայց առաջարկը նվազում է, ավելի ու ավելի շատ երկրներ են կուտակում պարենային անվտանգության համար, այդ թվում՝ Սաուդյան Արաբիան և Եգիպտոսը, որոնք կրկնապատկել են իրենց ներմուծումը, մինչդեռ արտահանող երկրները կրճատվել են։ 

Ոլորտի ներկայացուցիչներն ակնկալում են, որ այս գործընթացները կազդեն նաև ապրանքի գնի վրա և գարնանից կանխատեսում են գների աճի միտում։ 
«Նման բարձր գին դեռ չի գրանցվել։  Սա նշանակում է, որ այն ազդում է սննդի վրա՝ լինի հաց, թե մսամթերք։  Բենզինը նույնպես թանկանում է, ինչը նույնպես խնդիր է։ Այլ խնդիրներ ևս կան։  Այսպիսով, ես ակնկալում եմ, որ գնաճի հարցն ավելի ակտուալ կդառնա Ամանորից հետո», — ասել է հացթուխների ասոցիացիայի նախագահ Մալխազ Դոլիձեն։

Հիշեցնենք՝ Վրաստանում գործարանային հացը հոկտեմբերին թանկացել է 10 թեթրիով: Վրաստանի հացթուխների ասոցիացիայի նախագահ Մալխազ Դոլիձեն թանկացումը կապում էր հումքի գնի բարձրացման հետ: