ՀՀ կառավարությունը 2018-2021 թվականներին Երևանի քաղաքապետարանին ֆինանսավորել է 47 միլիարդ դրամով, ինչը կազմում է համայնքային ծախսերի 20%-ը
Տնտեսություն
ՀՀ կառավարությունը 2018-2021 թվականներին Հայաստանի պետական բյուջեի հաշվին, ինչպես նաև պետության կողմից վերցված վարկային պարտավորությունների հաշվին Երևան համայնքին ֆինանսավորել է ավելի քան 47 մլրդ դրամով (ներառված չեն 2021թ-ի չորրորդ եռամսյակի ցուցանիշները)։ Նշված ժամանակահատվածում Երևանի համայնքային բյուջեի փաստացի ծախսերի ընդհանուր ծավալը կազմել է 248,2 մլրդ դրամ, ինչից հետևում է, որ պետության միջոցների հաշվին ապահովվել է Երևանի համայնքային բյուջեի ծախսերի գրեթե 20 տոկոսը։
Այս միջոցներն ուղղվել են Երևանի ջրամատակարարման, արտաքին լուսավորության, ճանապարհաշինության, էներգախնայողության, հանրային տրանսպորտի և մետրոպոլիտենի զարգացմանը, բազմաթիվ սոցիալական ծրագրեր իրականացնելուն, ինչպես նաև՝ տրամադրվել են որպես աջակցություն Երևանի քաղաքապետին տեղական ինքնակառավարման լիազորությունների իրականացման համար։
Այս միջոցներն ուղղվել են Երևանի ջրամատակարարման, արտաքին լուսավորության, ճանապարհաշինության, էներգախնայողության, հանրային տրանսպորտի և մետրոպոլիտենի զարգացմանը, բազմաթիվ սոցիալական ծրագրեր իրականացնելուն, ինչպես նաև՝ տրամադրվել են որպես աջակցություն Երևանի քաղաքապետին տեղական ինքնակառավարման լիազորությունների իրականացման համար։