ՌԴ Կենտրոնական բանկը հայտնել է, որ գնաճը երկրում 2022-2023 թթ. գերազանցում է նախորդ կանխատեսումները

Տնտեսություն

22:30, 18 март 2022

2022 և 2023 թվականներին Ռուսաստանի Դաշնությունում գնաճը կգերազանցի նախկին կանխատեսումները, սակայն, միևնույն ժամանակ, Կենտրոնական բանկը թույլ չի տա, որ գնաճային շղթան թափ առնի, ուրբաթ օրը հայտարարել է Ռուսաստանի բանկի նախագահ Էլվիրա Նաբիուլինան՝ Կենտրոնական բանկի տնօրենների խորհրդի նիստից հետո. գրում է interfax.ru-ն:

«Հիմա շատ դժվար է կոնկրետ կանխատեսումային թվեր նշել: Այս տարի և, ամենայն հավանականությամբ, հաջորդ տարի գնաճը կլինի ավելի բարձր, քան նախորդ գնահատականներում էին: ՀՆԱ-ն առաջիկա եռամսյակներում կնվազի»,-ասել է Նաբիուլինան:

«Հիմնական անորոշությունը առևտրի արտաքին պայմաններն են՝ պատժամիջոցների ճնշման ավելացմամբ», – ասել է նա:

ԿԲ ներկայիս պաշտոնական կանխատեսումը փետրվարի սկզբից 2022 թվականի համար գնաճի համար կազմում է 5-6%, 2023 թվականի համար՝ 4%:
Մարտի սկզբին Կենտրոնական բանկի հարցումների համաձայն՝ վերլուծաբաններն կանխատեսում են, որ 2022 թվականին Ռուսաստանի Դաշնությունում գնաճը կարող է հասնել 20%-ի, իսկ ՀՆԱ-ն կարող է նվազել 8%-ով (հետազոտությունն անցկացվել է մարտի 1-ից մարտի 9-ը, տվյալները հրապարակվել են մարտի 10-ին):