Ենթակառուցվածքների զարգացմամբ շտապբուժօգնության որակը պետք է բարձրանա, բայց մենք շեշտը դնում ենք նաև մասնագիտական վերապատրաստումների վրա․ Ճապոնիայի կառավարության նվերը Երևանին
Ճապոնիայի կառավարությունը շտապօգնության նոր սերնդի 39 ավտոմեքենա նվիրաբերեց Հայաստանին։ 39 մեքենաներից 35-ը գծային շտապօգնության մեքենաներ են, 4-ը՝ ռեանիմոբիլ:
Մեքենաների հանձնման արարողությանը ներկա էին Հայաստանի Հանրապետության վարչապետ Նիկոլ Փաշինյանը, առողջապահության նախարար Անահիտ Ավանեսյանը, ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիման և այլ պաշտոնատար անձինք:
Նոր մեքենաները համալրելու են Երևանի շտապբուժօգնության շարժակազմը։ Ծրագրի ընդհանուր արժեքը կազմել է 3,5 մլն դոլար։
Նախարար Ավանեսյանը ելույթի իր խոսքում բարձր գնահատեց այն շարունակական օգնությունն ու մասնագիտական աջակցությունը, որը Ճապոնիայի կառավարությունը տրամադրում է Հայաստանին։
Նախարարը շնորհակալություն հայտնեց նաև անձամբ դեսպանին՝ ներդրած ջանքերի համար։
Դեսպան Մասանորի Ֆուկուշիման նշեց, որ ծրագիրն իրականացվել է Կովիդ 19 համավարակի դեմ պայքարի շրջանակներում։ Դեսպանն ընդգծեց նաև, որ վերջին 30 տարիների ընթացքում Հայաստանն ու Ճապոնիան զարգացրել են բարեկամական հարաբերությունները և բժշկական ծառայությունների բարելավումը, առողջապահական ոլորտը հայ-ճապոնական հարաբերությունների առաջնահերթություններից է։
Եղած շարժակազմի մի մասը, որը գտնվում է լավ վիճակում, շարունակելու է օգտագործվել Երևանում, իսկ մի մասը կտեղափոխվի մարզեր։
Անահիտ Ավանեսյանն ասաց, որ մեքենաները համալրված են ժամանակակից սարքավորումներով, և վստահություն հայտնեց, որ բժշկական օգնության որակը այս բարեփոխումից հետո պետք է ավելի բարձրանա: Նախարարն ընդգծեց, որ բարեփոխումները չեն սահմանափակվում միայն ենթակառուցվածքների թարմացմամբ, այլ միևնույն ժամանակ աշխատանքներ են տարվում բուժանձնակազմի վերապատրաստումների ուղղությամբ։
Մանրամասն՝ տեսանյութում
Վովա Հակոբյան
Մեքենաների հանձնման արարողությանը ներկա էին Հայաստանի Հանրապետության վարչապետ Նիկոլ Փաշինյանը, առողջապահության նախարար Անահիտ Ավանեսյանը, ՀՀ-ում Ճապոնիայի արտակարգ և լիազոր դեսպան Մասանորի Ֆուկուշիման և այլ պաշտոնատար անձինք:
Նոր մեքենաները համալրելու են Երևանի շտապբուժօգնության շարժակազմը։ Ծրագրի ընդհանուր արժեքը կազմել է 3,5 մլն դոլար։
Նախարար Ավանեսյանը ելույթի իր խոսքում բարձր գնահատեց այն շարունակական օգնությունն ու մասնագիտական աջակցությունը, որը Ճապոնիայի կառավարությունը տրամադրում է Հայաստանին։
Նախարարը շնորհակալություն հայտնեց նաև անձամբ դեսպանին՝ ներդրած ջանքերի համար։
Դեսպան Մասանորի Ֆուկուշիման նշեց, որ ծրագիրն իրականացվել է Կովիդ 19 համավարակի դեմ պայքարի շրջանակներում։ Դեսպանն ընդգծեց նաև, որ վերջին 30 տարիների ընթացքում Հայաստանն ու Ճապոնիան զարգացրել են բարեկամական հարաբերությունները և բժշկական ծառայությունների բարելավումը, առողջապահական ոլորտը հայ-ճապոնական հարաբերությունների առաջնահերթություններից է։
Եղած շարժակազմի մի մասը, որը գտնվում է լավ վիճակում, շարունակելու է օգտագործվել Երևանում, իսկ մի մասը կտեղափոխվի մարզեր։
Անահիտ Ավանեսյանն ասաց, որ մեքենաները համալրված են ժամանակակից սարքավորումներով, և վստահություն հայտնեց, որ բժշկական օգնության որակը այս բարեփոխումից հետո պետք է ավելի բարձրանա: Նախարարն ընդգծեց, որ բարեփոխումները չեն սահմանափակվում միայն ենթակառուցվածքների թարմացմամբ, այլ միևնույն ժամանակ աշխատանքներ են տարվում բուժանձնակազմի վերապատրաստումների ուղղությամբ։
Մանրամասն՝ տեսանյութում
Վովա Հակոբյան