Վերաքննիչ դատարանը Ռուբեն Վարդազարյանի գործով ամբողջությամբ բավարարել է ՀՀ գլխավոր դատախազության բողոքը
Իրավունք
ՀՀ գլխավոր դատախազի խորհրդական Գոռ Աբրահամյանն իր ֆեյսբուքյան էջում գրել է․
«Ընդհանուր իրավասության առաջին ատյանի դատարանը 2021թ. մայիսի 31-ի որոշմամբ բավարարել էր ՀՀ բարձրագույն դատական խորհրդի՝ լիազորությունները ժամանակավորապես կասեցված նախագահ Ռուբեն Վարդազարյանի դիմումը, որի դեմ ՀՀ գլխավոր դատախազությունը բերել էր վերաքննիչ բողոք:
Հիշեցնենք, որ այդ որոշմամբ Առաջին ատյանի դատարանը գտել էր, որ նախքան Ռուբեն Վարդազարյանին քրեական գործով որպես մեղադրյալ ներգրավելը, Դատախազությունը պետք է դիմեր ՀՀ բարձրագույն դատական խորհուրդ և ստանար վերջինիս համաձայնությունը: Եվ այնքանով, որքանով չէր դիմել, ըստ Առաջին ատյանի դատարանի, թույլ է տվել Ռուբեն Վարդազարյանի իրավունքների խախտում:
ՀՀ գլխավոր դատախազության վերաքննիչ բողոքի հիմնական բովանդակությունը հանգում էր նրան, որ կոնկրետ տվյալ քրեական գործի համատեքստում ՀՀ բարձրագույն դատական խորհրդի համաձայնությունն ստանալու, այսինքն Ռուբեն Վարդազարյանի անձեռնմխելիության հաղթահարման ընթացակարգ չէր կարող կիրառվել:
Քննարկելով ՀՀ գլխավոր դատախազության բողոքը՝ ՀՀ վերաքննիչ դատարանն իր այսօր հրապարակած որոշմամբ ամբողջությամբ բավարարել է այն և բեկանել ՀՀ առաջին ատյանի դատարանի որոշումը»:
Կարդացեք նաև
13 հուլիս 2021, 18:33
Դատախազությունը ԲԴԽ լիազորությունները դադարեցված նախագահ Ռուբեն Վարդազարյանի գործով բողոք է ներկայացրել Վերաքննիչ դատարան
16 հուլիս 2021, 14:51
ԲԴԽ-ն չի կարող անդրադառնալ Վարդազարյանի լիազորությունները կասեցնելու մասին որոշման վերանայման հարցին, մինչև քրեական վարույթի ավարտը․ ԲԴԽ
15 ապրիլ 2021, 19:27
Ռուբեն Վարդազարյանի լիազորությունները կասեցվել են որպես դատավոր և որպես ԲԴԽ անդամ. ԲԴԽ նախագահի պարտականությունները կիրականացնի Ջհանգիրյանը
1 հունիս 2021, 17:27
Դատարանի որոշումը՝ Ռուբեն Վարդազարյանի գործով
13 ապրիլ 2021, 12:47
Նարեկ Սարգսյանը՝ Գոնսալեսը, կրկին կալանավորվել է
2 հունիս 2021, 15:44
Դատախազությունը տրամադրված է բողոքարկել Ռուբեն Վարդազարյանի անձեռնմխելիության վերաբերյալ դատարանի որոշումը․ Գոռ Աբրահամյան