Քաղաքացիակենտրոն
լրատվություն

Տիկին Հարությունյան, մենք հավանաբար կհանդիպենք դատարանում ձեր հնչեցրած զրպարտանքի համար. Արսեն Թորոսյան

«Շատ ափսոսում եմ, որ տիկին Հարությունյանի հերոսը չեմ եղել ու դժվար էլ լինեմ, բայց առնվազն կարծես թե հակահերոսն եմ և կշարունակեմ լինել, ինչը ինձ սփոփում է»,- այսօր Ազգային ժողովում Կոռուպցիայի կանխարգելման հանձնաժողովի անդամի թեկնածու Հայկուհի Հարությունյանի ընտրությանն առնչվող հարցի քննարկմանը հայտարարեց «Քաղաքացիական պայմանագիր» խմբակցության պատգամավոր Արսեն Թորոսյանը:

Նա նշեց, որ տիկին Հարությունյանի ելույթում ինքը ստացավ իր նախորդ ելույթում ունեցած բոլոր թեզերի պատասխանները և ապացույցները. «Հատկապես խիստ քաղաքական գործունեությամբ զբաղվելու հայտը՝ ի հեճուկս այն հայտարարությունների, թե այդպիսի բան չկա: Այսինքն՝ դժվար է ասել, էլի, որ մածունը սև է. եթե քաղաքական ելույթ ես ունենում, ուրեմն քաղաքական ելույթ ես ունենում»:

«Տիկին Հարությունյան, մենք հավանաբար կհանդիպենք դատարանում այն զրպարտանքի համար, որ դուք այստեղից հնչեցրիք: Ցավք սրտի, օրենսդրությունը չի նախատեսում այս զրպարտանքի չափով հայցադիմում՝ 350 մլն դրամի, բայց օրենքով սահմանված չափով այդ հայցադիմումը կլինի»,- հայտարարեց Արսեն Թորոսյանը:

Այնուհետև պատգամավորն անդրադարձավ Ալավերդում տեղի ունեցած ավագանու նիստին, որի ժամանակ, ինչպես նշեց նա, ընտրվել է համայնքի նոր ղեկավար՝ օրենքի տառին և ոգուն համապատասխան:

Մանրամասն՝ տեսանյութում