Քաղաքացիակենտրոն
լրատվություն

Ավտոտնակում մեքենայի հրդեհի հետևանքով քաղաքացին այրվածքներ է ստացել

Ավտոտնակում մեքենայի հրդեհի հետևանքով քաղաքացին այրվածքներ է ստացել
Իրավունք
22:00, 08 апрель 2022
 Ճգնաժամային կառավարման ազգային կենտրոնն ապրիլի 8-ին, ժամը 17։51-ին ահազանգ է ստացել, որ Երևանի Հովնաթանի փողոցի տներից մեկում հրդեհ է բռնկվել. կա տուժած:

Ինչպես տեղեկացրին ՀՀ արտակարգ իրավիճակների նախարարությունից, դեպքի վայր է մեկնել ԱԻՆ փրկարար ծառայության Երևան քաղաքի փրկարարական վարչության հրշեջ-փրկարարական ջոկատներից երկու մարտական հաշվարկ:
Ըստ աղբյուրի՝ պարզվել է, որ հրդեհը բռնկվել է Վարուժանի փողոցում:

Նշվում է, որ հրդեհը մեկուսացվել է ժամը 18:28-ին, մարվել՝ 18:46-ին: Երկհարկանի տան առաջին հարկում գտնվող ավտոտնակում այրվել է «Mercedes Benz» մակնիշի ավտոմեքենա: Դեմքի շրջանում այրվածքներ ստացած բնակիչը հոսպիտալացվել է «Այրվածքաբանության ազգային կենտրոն» ՓԲԸ: