Քաղաքացիակենտրոն
լրատվություն

Երևան Աբովյան փողոցում տեղի ունեցած խուլիգանության դեպքի առթիվ հարուցվել է քրեական գործ

Երևան Աբովյան փողոցում տեղի ունեցած խուլիգանության դեպքի առթիվ հարուցվել է քրեական գործ
Իրավունք
23:00, 05 май 2022
ՀՀ քննչական կոմիտեի Երևան քաղաքի քննչական վարչության ծանր հանցագործությունների քննության բաժնում ՀՀ քրեական օրենսգրքի 258-րդ հոդվածի 3-րդ մասի 1-ին կետով հարուցվել է քրեական գործ, որի շրջանակներում իրականացվում են քննչական և դատավարական այլ գործողություններ՝ Երևանի պետական համալսարանի՝ Աբովյան փողոցում գտնվող մասնաշենքի դիմաց տեղի ունեցած խուլիգանության հանգամանքները պարզելու ուղղությամբ:

«Նախնական տվյալներով, հիշյալ մասնաշենքի դիմաց քաղաքական ընդդիմության կողմից կազմակերպված նախաձեռնության մի խումբ ցուցարարներ փողոցը փակել են աղբամաններով, որի հետևանքով խոչընդոտվել է  երթևեկությունը: Բացի այդ, վերջիններս բարձրաձայն վիճաբանել են, քաշքշել  միմյանց, հայհոյանքներ հնչեցրել, իսկ  նրանցից մեկը ոտքով հարվածել է փողոցով ընթացող ավտոմեքենային»,- ասվում է հաղորդագրության մեջ: 
Ըստ աղբյուրի՝ կատարվում է նախաքննություն: Միջոցառումներ են ձեռնարկվում՝ միջադեպին մասնակից անձանց ինքնությունը պարզելու, նրանց գործողություններն անհատականացնելու  և վերջիններիս  արարքին գնահատական տալու ուղղությամբ: