Սպիտակի Ջրաշեն համայնքի նախկին ղեկավարը համայնքի սեփականություն հանդիսացող հողատարածքը ուղղակի վաճառքով օտարել է որդուն, ապա շինաշխատանքներ սկսել այդ և համայնքին պատկանող այլ հողակտորի վրա
Իրավունք
Լոռու մարզի Ջրաշեն համայնքի նախկին ղեկավար Վահան Ուռուսյանը, օգտագործելով իր լիազորությունները հողօգտագործման բնագավառում, նույն համայնքում գտնվող հողամասի նկատմամբ հայտարարել է մրցույթ, որին մասնակցել են տարբեր քաղաքացիներ, սակայն համայնքապետը, չարաշահելով իր լիազորությունները, նպաստել է, որ հայտարարված մրցույթը չկայանա՝ պատճառաբանելով, որ հողամասի վրա կա երկաթ-բետոնով լցված հիմք։ Ապա համայնքի՝ արդեն իսկ նախկին ղեկավարը ուղիղ վաճառքով նշված հողամասը վաճառել է իր որդուն՝ Սանդրո Ուռուսյանին։
2022 թվականին հողամասը ձեռք բերելուց հետո նա կատարել է շինարարական աշխատանքներ։ Բացի որդու կողմից ապօրինի կերպով ձեռք բերված հողամասից, համայնքի ղեկավարը շինաշխատանքներ է սկսել նաև կից հողամասի վրա, որը պատկանում է համայնքին։
Սպիտակ խոշորացված համայնքի գլխավոր հողաշինարար Հենրիկ Իգիթխանյանը Civic.am-ին հայտնեց, որ 2021 թվականի փետրվարի 3-ին Ջրաշեն համայնքի ղեկավար Վանիկ Ուռուսյանը նույն համայնքի բնակիչ Սանդրո Ուռուսյանին տրամադրել է շինարարության թույլտվություն՝ ճարտարապետաշինարարական առաջադրանք։ Տրված շինթույլտվությունը վերաբերել է այն հողմասի վրա կատարվելիք շինարարությանը, որը պատկանում է նախկին համայնքապետի որդուն, սակայն, բացի դրանից, Ուռուսյանները շինարարություն են սկսել նաև համայնքին պատկանող հողի վրա։ Մայիսի 18-ին զեկուցագիր է գրվել ապօրինի շինարարության մասին, որը ուղարկվել է համայնքի ղեկավարին։
«Կատարված արարքի համար կազմվել է արձանագրություն, նշանակվել է վարույթ, օր է նշանակվել, կատարել ենք վարչական իրավախախտման գործի քննություն, ուղարկվել են ծանուցագրեր, վարույթի օր է նշանակվել հունիսի 22-ը»,- ասաց Հենրիկ Իգիթխանյանը։
Մինչև հունիսի 22-ը շինարարությունն արգելելու որոշում չի կայացվել, չնայած բանավոր նախազգուշացումներ եղել են, սպասում են վարչական իրավախախտման գործի քննությանը։
Ապօրինի շինարարությունը, ըստ Ջրաշեն համայնքի բնակիչների, այսօր էլ շարունակվում է։
Վովա Հակոբյան
2022 թվականին հողամասը ձեռք բերելուց հետո նա կատարել է շինարարական աշխատանքներ։ Բացի որդու կողմից ապօրինի կերպով ձեռք բերված հողամասից, համայնքի ղեկավարը շինաշխատանքներ է սկսել նաև կից հողամասի վրա, որը պատկանում է համայնքին։
Սպիտակ խոշորացված համայնքի գլխավոր հողաշինարար Հենրիկ Իգիթխանյանը Civic.am-ին հայտնեց, որ 2021 թվականի փետրվարի 3-ին Ջրաշեն համայնքի ղեկավար Վանիկ Ուռուսյանը նույն համայնքի բնակիչ Սանդրո Ուռուսյանին տրամադրել է շինարարության թույլտվություն՝ ճարտարապետաշինարարական առաջադրանք։ Տրված շինթույլտվությունը վերաբերել է այն հողմասի վրա կատարվելիք շինարարությանը, որը պատկանում է նախկին համայնքապետի որդուն, սակայն, բացի դրանից, Ուռուսյանները շինարարություն են սկսել նաև համայնքին պատկանող հողի վրա։ Մայիսի 18-ին զեկուցագիր է գրվել ապօրինի շինարարության մասին, որը ուղարկվել է համայնքի ղեկավարին։
«Կատարված արարքի համար կազմվել է արձանագրություն, նշանակվել է վարույթ, օր է նշանակվել, կատարել ենք վարչական իրավախախտման գործի քննություն, ուղարկվել են ծանուցագրեր, վարույթի օր է նշանակվել հունիսի 22-ը»,- ասաց Հենրիկ Իգիթխանյանը։
Մինչև հունիսի 22-ը շինարարությունն արգելելու որոշում չի կայացվել, չնայած բանավոր նախազգուշացումներ եղել են, սպասում են վարչական իրավախախտման գործի քննությանը։
Ապօրինի շինարարությունը, ըստ Ջրաշեն համայնքի բնակիչների, այսօր էլ շարունակվում է։
Վովա Հակոբյան