Սոցցանցի միջոցով շուրջ 22 հազար եվրո հափշտակելու գործը ԱՀ ՔԿ-ում վարույթ է ընդունվել

Իրավունք

17:11, 05 июль 2022

Արցախի քննչական կոմիտեի Ստեփանակերտ քաղաքի քննչական վարչությունում վարույթ է ընդունվել սոցցանցի միջոցով առանձնապես խոշոր չափի խարդախություն կատարելու համար: Այս մասին տեղեկացնում է ԱՀ ՔԿ-ն:

Վարույթն ընդունվել է սոցիալական ցանցի Whatsapp հավելվածի միջոցով 480 000 եվրո գումարի նվիրատվության փոխանցման գործընթացի խոստման և փաստաթղթերի ձևակերպման պատրվակով ուրիշի գույքը առանձնապես խոշոր չափերով հափշտակելու նպատակով, խաբեության և Ստեփանակերտ քաղաքի բնակիչ Ս.Դ.-ի վստահությունը չարաշահելու եղանակով, Money Gram միջազգային բանկային փոխանցման համակարգի միջոցով անհայտ անձանց կողմից 22 026 եվրո հափշտակելու և Ս.Դ.-ին 11 134 338 ՀՀ դրամ գումարի առանձնապես խոշոր չափի գույքային վնաս պատճառելու դեպքի առթիվ ԱՀ քրեական օրենսգրքի 184-րդ հոդվածի 3-րդ մասի 1-ին կետով հարուցված քրեական գործը։

Արցախի քննչական կոմիտեից հայտնում են՝ նախաքննությունը շարունակվում է։