Քաղաքացիակենտրոն
լրատվություն

Արթիկի քրեական հետախույզներն ապօրինի թմրաշրջանառության դեպք են բացահայտել

Արթիկի քրեական հետախույզներն ապօրինի թմրաշրջանառության դեպք են բացահայտել
Իրավունք
22:56, 03 май 2021
Ոստիկանությունը շարունակում է թմրանյութերի օգտագործման և անօրինական շրջանառության դեմ հետևողական պայքարը: Հերթական դեպքը բացահայտել են Արթիկի ոստիկանները։

Քրեական հետախույզները տեղեկություններ էին ստացել, որ Արթիկի Ղարիբջանյան փողոցի 50-ամյա մի բնակիչ ապօրինի թմրամիջոց է պատրաստում, պահում և օգտագործում: Ապրիլի 30-ին նա Ղարիբջանյան-Աբովյան փողոցների խաչմերուկից բերման է ենթարկվել ոստիկանության Արթիկի բաժին։

Անձնական խուզարկությամբ հայտնաբերվել է դեղնականաչավուն յուրահատուկ հոտով բուսական զանգված և նույնանման զանգվածով կաթուցիչ։ Ըստ բերման ենթարկվածի՝ հայտնաբերվածը թմրանյութ է, պատրաստել է վայրաճ կանեփի թփերից` իր օգտագործման համար։
Նշանակվել է դատաքիմիական փորձաքննություն: Քննությունը շարունակվում է:

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: