Այսօր Սումգայիթի դատարանում կհրապարակվի առևանգված հայ զինծառայողների դատավճիռը․ Ադրբեջանի դատախազը նրանց համար 12 տարվա ազատազրկում է պահանջել
Իրավունք
Հայաստանի օմբուդսմենն ընդգծում է՝ միջազգային մարդասիրական իրավունքի տեսանկյունից առևանգված երկու զինվորականները գերիներ են:
Այսօր Սումգայիթի ծանր հանցագործությունների դատարանը կհրապարակի Հայաստանի Զինված ուժերի պայմանագրային զինծառայող Հարություն Հովագիմյանի և ժամկետային Կարեն Ղազարյանի դատավճիռը։ Ադրբեջանցի դատախազը նրանց համար պահանջել է 12 տարվա ազատազրկում։
Բաքուն հայ զինվորներին մեղադրում է պետական սահմանը խախտելու և դիվերսիա պլանավորելու համար, մինչդեռ ըստ հայկական կողմի՝ զինծառայողներն ադրբեջանցիների կողմից առևանգվել են Շիկահողի դիրքեր հաց ու ջուր տանելիս։
Հայ գերիների շահերը պաշտպանող իրավապաշտպանների գնահատմամբ՝ Սումգայիթում անցկացված դատավարությունը բեմադրություն է, և դատավորը, ամենայն հավանականությամբ, հաստատելու է դատախազի պահանջած պատժաչափը։
Իրավապաշտպան Արտակ Զեյնալյանն «Ազատության» հետ զրույցում կարծիք էր հայտնել, որ առևանգված հայ զինվորներին դատապարտելուց հետո Բաքուն փորձելու է նրանց փոխանակել Հայաստանում ձերբակալված երկու ադրբեջանցիների հետ՝ չվերադարձնելով նախկինում գերեվարված մյուս զինծառայողներին։
Ադրբեջանը հաստատել էր, որ իր բանտերում 35 հայ գերիներ են պահվում, այդ թվում՝ մայիսի վերջին առևանգված երկու զինծառայողները։
Այսօր Սումգայիթի ծանր հանցագործությունների դատարանը կհրապարակի Հայաստանի Զինված ուժերի պայմանագրային զինծառայող Հարություն Հովագիմյանի և ժամկետային Կարեն Ղազարյանի դատավճիռը։ Ադրբեջանցի դատախազը նրանց համար պահանջել է 12 տարվա ազատազրկում։
Բաքուն հայ զինվորներին մեղադրում է պետական սահմանը խախտելու և դիվերսիա պլանավորելու համար, մինչդեռ ըստ հայկական կողմի՝ զինծառայողներն ադրբեջանցիների կողմից առևանգվել են Շիկահողի դիրքեր հաց ու ջուր տանելիս։
Հայ գերիների շահերը պաշտպանող իրավապաշտպանների գնահատմամբ՝ Սումգայիթում անցկացված դատավարությունը բեմադրություն է, և դատավորը, ամենայն հավանականությամբ, հաստատելու է դատախազի պահանջած պատժաչափը։
Իրավապաշտպան Արտակ Զեյնալյանն «Ազատության» հետ զրույցում կարծիք էր հայտնել, որ առևանգված հայ զինվորներին դատապարտելուց հետո Բաքուն փորձելու է նրանց փոխանակել Հայաստանում ձերբակալված երկու ադրբեջանցիների հետ՝ չվերադարձնելով նախկինում գերեվարված մյուս զինծառայողներին։
Ադրբեջանը հաստատել էր, որ իր բանտերում 35 հայ գերիներ են պահվում, այդ թվում՝ մայիսի վերջին առևանգված երկու զինծառայողները։