Եվրոպայի խորհրդի Գլխավոր քարտուղար Մարիա Պեյչինովիչ Բուրիչը ժամանել է Բաքու։

«Սկսելով իմ պաշտոնական այցը Ադրբեջան՝ ողջունում եմ Հայաստանի և Ադրբեջանի միջև այսօրվա համատեղ հայտարարությունը։ Դրական քայլ՝ ճիշտ ուղղությամբ։ Եվրոպայի խորհուրդը շարունակում է պատրաստ լինել աջակցելու երկու կողմերին՝ կայուն խաղաղության հասնելու համար»,- X-ի իր էջում գրել է Բուրիչը։

Ըստ ադրբեջանական լրատվամիջոցների՝ Բուրիչն այսօր հանդիպել է Ադրբեջանի նախագահ Իլհամ Ալիևի հետ։

Հանդիպումից մանրամասներ դեռ չեն հաղորդվում։