ՀՀ պաշտպանության նախարարն այցելել է Եռաբլուր. նա հանդիպել է զոհված զինծառայողների ծնողների և հարազատների հետ
ՀՀ պաշտպանության նախարար Արշակ Կարապետյանն օգոստոսի 13-ին այցելել է «Եռաբլուր» զինվորական պանթեոն։
Ինչպես տեղեկացրին ՀՀ պաշտպանության նախարարության տեղեկատվության և հասարակայնության հետ կապերի վարչությունից, պաշտպանական գերատեսչության ղեկավարը հանդիպել է 44-օրյա պատերազմում զոհված զինծառայողների ծնողների և հարազատների հետ, քննարկել գերեզմանների կառուցապատման աշխատանքների հետ կապված մի շարք հարցեր։
Ըստ աղբյուրի՝ Արշակ Կարապետյանը նշել է, որ արվելու է ամեն ինչ՝ աշխատանքները պատշաճ որակով իրականացնելու համար, բնականաբար՝ հաշվի առնելով ծնողների և հարազատների ցանկություններն ու նկատառումները։
