Իշխան Սաղաթելյանը և Վահե Հակոբյանը պաշտոնազրկվեցին
Այսօր՝ հուլիսի 1-ին, ԱԺ-ում հրավիրվել է արտահերթ նիստ: Քննարկվում է Իշխան Սաղաթելյանին ԱԺ փոխնախագահի պաշտոնից և Վահե Հակոբյանին ԱԺ տնտեսական հարցերի մշտական հանձնաժողովի նախագահի պաշտոնից հետ կանչելու «Քաղաքացիական պայմանագիր» խմբակցության կողմից ներկայացված որոշման նախագիծը:
Հաշվիչ հանձնախմբի նախագահ Նարեկ Բաբայանը, ներկայացնելով քվեարկության արդյունքները, հայտարարեց. «ԱԺ 107 պատգամավորներից քվեարկություններին մասնակցել են 66-ը: Ձայները բախշվել են հետևյալ կերպ. Իշխան Սաղաթելյանին հետ կանչելուն կողմ է քվեարկել 66 պատգամավոր, դեմ՝ 0: Վահե Հակոբյանին պաշտոնից ազատելուն կողմ է քվեարկել 66 պատգամավոր, դեմ՝ 0»:
