Քոչարյանի PR-ով զբաղվում է «Spring PR-Company» ընկերությո՞ւնը
Թեև ընտրությունների քարոզարշավը դեռ պաշտոնապես չի մեկնարկել և ԿԸՀ-ն պաշտոնապես դեռ չի հայտարարել, թե երբ է տրվելու քարոզարշավի մեկնարկը, սակայն արդեն տեսանելի է, որ Ռոբերտ Քոչարյան ու իր թիմը սկսել են նախընտրական քարոզարշավը։

Civic.am-ի աղբյուրների պնդմամբ՝ Քոչարյանի PR-ով զբաղվում է «Spring PR-Company»-ն։

Տեղեկության վերաբերյալ մենք մեկնաբանություն խնդրեցինք ընկերության հիմնադիրներից Տաթև Սիմոնյանից։

«Մենք չենք զբաղվում քաղաքական կոմունիկացիաներով։ Ժամանակին զբաղվել ենք։ Մենք սովորաբար քաղաքական հետազոտություններ ենք իրականացնում, որովհետև նաև սոցիոլոգիական հետազոտություններով զբաղվող ընկերություն ենք,այդքանով է սահմանափակվում մեր գործունեությունը, ոչ թե PR»,-ասաց Տաթև Սիմոնյանը։