Ինչպե՞ս կարելի է պարգևատրել մի անձի, որը կազմակերպել է հարձակում Հայաստանի վարչապետի մեքենայի վրա։ Ինչպե՞ս կարելի է պարգևատրել մի անձի, որը հայհոյել է Հայաստանի վարչապետին՝ նրան անվանելով «անգետ» Ֆրանսիայի նախագահի ներկայությամբ։ Ինչպե՞ս կարելի է պարգևատրել մի անձի, որը, Հայաստանի մուտքի արգելքի հանվելուց հետո, հանդիպում է ընդդիմադիր հոգևորական Բագրատ Սրբազանի հետ՝ հայկական կառավարությունը տապալելու նպատակով։ Նշենք նաև, որ  Հայաստան վերադառնալիս  Մուրադ Փափազյանին ուղեկցած Մակրոնի հետ մեծամասնություն կազմող երկու պատգամավորները վերջին խորհրդարանական ընտրություններում պարտություն են կրել այն տարածքներում, որտեղ շատ հայեր են բնակվում, ինչպիսիք են Դեսընը կամ Բոմոնը (Լիոնի և Մարսելի շրջաններ), ինչը պետք է ընկալվի որպես Ֆրանսիայի հայ համայնքի կողմից ազդանշան նրանց` ոչ ժողովրդավարական ներկայացվածության վերաբերյալ։ Ֆրանսիայի կառավարությունը չի կարող մեզ պարտադրել ընտրված ներկայացուցիչներ, որոնց ոչ ոք չի ընտրել։

Հայաստանի վարչապետի և Ֆրանսիայի նախագահի հեռախոսազրույցի ժամանակ քննարկվել է Հայկական Ասոցիացիաների Համակարգման Խորհրդի ղեկավարների փոխարինման հարցը։ Վարչապետ Նիկոլ Փաշինյանը կատարել է  իր խոստումը և վերացրել Մուրադ Փափազյանի մուտքի արգելքը՝ հաշվի առնելով Ֆրանսիայի նախագահ Էմանուել Մակրոնի խնդրանքը։

Այսուհետ պետք է լսելի լինեն Ֆրանսիայի հայերի կողմից  այդ երկու զարմակներին փոխարինելու պահանջները։

Ի դեպ, Արա Թորանյանի` իր թերթում արված հայտարարությունը, թե իբր նա նույնպես մերժել է Պատվո Լեգիոնը` ելնելով 《ընդհանուր փիլիսոփայական» պատճառներից, կասկածներ է առաջացնում։ Թվում է, թե նա նույն այդ  «ընդհանուր փիլիսոփայությունը» չուներ, երբ ընդունում էր Սերժ Սարգսյանի մեդալը։

Հավանական է, որ նրան ոչ մի առաջարկ չի արվել՝ հաշվի առնելով իր անցյալը։ Նշենք, որ Արա Թորանյանը պարտավոր է ներկայանալ ոստիկանության բաժանմունք շաբաթական չորս անգամ, իսկ վերը նշված պարգևը ստանալու համար պահանջվում է ունենալ դատական մաքուր պատմություն։

Նշենք նաև, որ Ֆրանսիայում դեսպանի փոփոխություն է սպասվում։ Խելամիտ կլիներ, որպեսզի հայկական կողմը  նոր բանակցությունների ընթացքում պաշտոնապես պահանջեր այս երկու ներկայացուցիչների փոխարինումը` հաշվի առնելով, որ նրանց ներգրավվածությունը վերջին տարիներին վնաս է հասցրել Հայաստանին։

Ժակ Ռաֆֆի Փափազյան, Հայկական շարժման նախագահ