ՌԴ նախագահ Պուտինն Աստանայում ՀԱՊԿ գագաթնաժողովից հետո լրագրողների
հետ ճեպազրույցում անդրադարձել է նաև Հայաստանի թեմային: Ըստ Պուտինի՝ Հայաստանում
ՀԱՊԿ-ի հարցում խնդիր են տեսնում այն, որ չի միջամտել Լեռնային Ղարաբաղում և իսկ Լեռնային,
Ղարաբաղն իրավաբանորեն Հայաստանի տարածք չէ, իսկ ՀԱՊԿ պատասխանատու է Հայաստանի տարածքի
հանդեպ գրոհի դեպքում:
Թեմայի վերաբերյալ Civic.am-ը
զրուցել է քաղաքագետ Ստյոպա Սաֆարյանի հետ։
«Այնպես չէ, որ Պուտինը չի իմացել,
թե ինչ է հայտարարում և երկու թեմա շատ խորամանկորեն կապել է իրար, մեկը՝ բուն Ղարաբաղի
վրա Ադրբեջանի հարձակումը, և երկրորդ Հայաստանի սահմանամերձ գոտիների վրա Ադրբեջանի
հարձակումները։ Ես կարծում եմ՝ սա բավականին հնարամտրեն, խորամանկորեն արված մանիպուլյացիա
է, որպեսզի ղարաբաղյան պատերազմի ստվերի ներքո անտեսվի Հայաստանի և տվյալ պարագայում
ՀԱՊԿ-ի պատասխանատվության գոտու վրա Ադրեբեջանի հարձակումը։ Արդյոք Պուտինը տեղյակ
չէ, որ բացի Ղարաբաղի վրա հարձակումը 2020 թվականի սեպտեմբերի 27-ը, Հայաստանի վրա
հարձակում է տեղի ունեցել 2021 թվականի մայիսի 12-ին և 2022 թվականի սեպտեմբերի
13-ին։ Վստահաբար տեղյակ է, որովհետև երկու դեպքերով էլ Հայաստանը պաշտոնապես դիմել
է ՀԱՊԿ-ին և Ռուսաստանին»,- ասաց Ստյոպա Սաֆարյանը։
Նա նշեց, որ Վլադիմիր Պուտինը գիտի, որ բացի բուն
ԼՂ-ի վրա կատարված հարձակումը տեղի է ունեցել այս ամենը և Հայաստանը դիմել է ՀԱՊԿ-ին։
Հիմա Վլադիմիր Պուտինը շատ լավ զեկուցվում է և տեսնում է, որ Հայաստանի կողմից վարվող
դիվերսիֆիկացիոն քաղաքականությունն ավելին է, քան նույնիսկ կարող էին պատկերացնել և
դա նախատեսում է ռազմատնտեսական համագործակցություն ՆԱՏՕ-ի անդամ երկրների հետ, ոչ
ՀԱՊԿ-ի անդամ երկրների հետ՝ Հնդկաստան, Չինաստան, ԱՄՆ, Ֆրանսիա, Գերմանիա և այլն, որոնք
կարող են Հայաստանին սպառազինություն տրամադրել միայն մեկ երաշխիք ունենալու դեպքում,
եթե ՀԱՊԿ-ի պայմանագրերն այլևս չեն գործում։
Մանրամասները՝ տեսանյութում
Լիլիթ Թադևոսյան
