Քաղաքացիակենտրոն
լրատվություն

Արայիկ Հարությունյանն ու Արարատ Միրզոյանն ընդգծել են Արցախի ժողովրդի ինքնորոշման իրավունքի ճանաչման կարևորությունը

Արայիկ Հարությունյանն ու Արարատ Միրզոյանն ընդգծել են Արցախի ժողովրդի ինքնորոշման իրավունքի ճանաչման կարևորությունը
Պաշտոնական
14:56, 21 август 2021
 Արցախի Հանրապետության նախագահ Արայիկ Հարությունյանը և Հայաստանի արտաքին գործերի նախարար Արարատ Միրզոյանը քննարկել են Արցախում առկա հումանիտար ու սոցիալական խնդիրների լուծման քայլերը:

Արցախի նախագահի աշխատակազմից հայտնում են, որ  Արցախի նախագահը հանդիպել է ՀՀ ԱԳ նախարար Արարատ Միրզոյանի հետ:

Արայիկ Հարությունյանն ու Արարատ Միրզոյանը շեշտել են ԵԱՀԿ Մինսկի խմբի համանախագահության շրջանակներում ղարաբաղյան հակամարտության խաղաղ կարգավորման գործընթացի վերսկսման անհրաժեշտությունը։ Առանձնահատուկ ընդգծվել է իր պատմական հայրենիքում Արցախի ժողովրդի ապրելու և ինքնորոշման իրավունքի ճանաչման կարևորությունը:

Հանդիպման ընթացքում քննարկվել է նաև Հայաստանի սահմանին և Արցախի հետ շփման գծում ադրբեջանական ԶՈՒ կողմից իրանակացվող սադրիչ գործողությունների հետևանքով ստեղծված իրավիճակը։