Քաղաքացիակենտրոն
լրատվություն

Արցախի ԱԳՆ կոչ է անում միջազգային հանրությանը դատապարտել «Ադրբեջանի հայատյաց քաղաքականությունը»

Արցախի ԱԳՆ կոչ է անում միջազգային հանրությանը դատապարտել «Ադրբեջանի հայատյաց քաղաքականությունը»
Պաշտոնական
17:51, 03 декабрь 2022
Արցախի արտգործնախարարությունը արձագանքելով մի խումբ ադրբեջանցիների կողմից Շուշի-Քարին տակ խաչմերուկի հատվածում Ստեփանակերտ-Գորիս մայրուղին փակելուն, հայտարարում է. «Այս անմարդկային արարքը ևս մեկ անգամ ապացուցում է, որ Արցախը հայաթափելու, այնտեղ էթնիկ զտումներ և ցեղասպանություն իրականացնելու Ադրբեջանի գերնպատակը մնացել է անփոփոխ»:

Այս «ահաբեկչական քայլը», ըստ Արցախի ԱԳՆ-ի, նաև խարխլում է Լաչինի միջանցքի վերաբերյալ միջազգայնորեն ձեռքբերված պայմանավորվածությունը և «նենգ հարված է հասցնում տարածաշրջանում խաղաղություն և կայունություն ապահովող Ռուսաստանի Դաշնության խաղաղապահ առաքելությանը»:

«Ադրբեջանի ցեղասպան քաղաքականությունն ու գործողությունները լուրջ մարտահրավեր են քաղաքակիրթ աշխարհին և ակնհայտ անհարգալից ու արհամարհական վերաբերմունք՝ միջազգային իրավունքի նկատմամբ», - ասված է հաղորդագրությունում:

Արցախի արտգործնախարարությունը կոչ է անում միջազգային հանրությանը խստորեն դատապարտել «Ադրբեջանի պետական հայատյաց քաղաքականությունը և գործուն քայլեր ձեռնարկել՝ սանձազերծելու ագրեսորին»: