Այս դահլիճում պետություն է գլխատվել, ուստի դրա անվտանգությունն անգին է. Պապոյանը՝ «Հայաստան»-ի պատգամավորին

Այսօր՝ օգոստոսի 11-ին, Ազգային ժողովում շարունակում է քննարկվել ԱԺ մշտական հանձնաժողովների նախագահների ընտրության հարցը:

«Քաղաքացիական պայմանագիր» խմբակցության կողմից ԱԺ ֆինանսավարկային և բյուջետային հարցերի մշտական հանձնաժողովի նախագահի թեկնածու  է առաջադրվել Գևորգ Պապոյանը:

«Պետական ինստիտուտների անվտանգությունը որքան էլ թանկ արժենա կամ էժան, շատ կարևոր է, հատկապես այս դահլիճում, որտեղ տեղի է ունեցել Հոկտեմբերի 27, որտեղ սպանվել են վարչապետ, ԱԺ նախագահ, պատգամավորներ, նախարարներ, և ընդհանրապես պետություն է գլխատվել, ու պետության զարգացման ուղենիշ է փոխվել: Ես կարծում եմ, որ նույնիսկ անգին է»,- ի պատասխան «Հայաստան» խմբակցության պատգամավորի հարցի ասաց Գևորգ Պապոյանը::