Կառավարության որոշմամբ Լոռու մարզպետարանին հատկացվել է 140 մլն դրամ՝ մարզի համայնքներում առաջնային կարևորության ծրագրեր իրականացնելու համար․Լոռու մարզպետ

Լոռու մարզպետ Արամ Սիմոնյանն իր ֆեյսբուքյան էջում գրել է․

«Հարգելի՛ լոռեցիներ, սիրով ուզում եմ տեղեկացնել, որ ՀՀ կառավարության որոշմամբ Լոռու մարզպետարանին հատկացվել է 140 մլն դրամ մարզի մի շարք համայնքներում առաջնային կարևորության ծրագրեր իրականացնելու համար:

Նախատեսվում է նորոգել դպրոցներ, մշակութային օջախներ, բակեր, պուրակներ, խաղահրապարակներ, վերելակներ և այլն:
Հատկացված միջոցներից 40 մլն-ը՝
Ամրակիցի միջնակարգ դպրոց
Լեջանի միջնակարգ դպրոց
Արջուտի միջնակարգ դպրոց
Վանաձորի թիվ 28 հիմնական դպրոց
Վանաձորի թիվ 2 հիմնական դպրոց,
Վարդաբլուրի միջնակարգ դպրոց
Վահագնիի միջնակարգ դպրոց
Մղարթի հիմնական_դպրոց
դպրոցներում մի շարք նորոգման աշխատանքներ իրականացնելու համար:
Նորոգման աշխատանքներ կիրականացվեն նաև «Լոռի-Փամբակի երկրագիտական թանգարանում»:
Մարզի համայնքներում նախատեսվում է իրականացնել հետևյալ ծրագրերը.
Ստեփանավան համայնքի Ազատամարտիկների պուրակի բարեկարգում
Ախթալա համայնքի խաղահրապարակի խաղասարքերի ձեռքբերում
Շնող համայնքի մշակույթի տան թանգարանի և շախմատի սենյակի նորոգում, գույքի ձեռքբերում
Միխայլովկա բնակավայրի ջրագծի միացում ջրագծի նոր ցանցին
Թումանյան համայնքի գերեզմանների ցանկապատում
Շենավան համայնքի խմելու ջրագծի կառուցում
Դարպաս համանքի խաղահրապարակի խաղասարքերի ձեռքբերում
Վահագնաձոր համայնքի խաղահրապարակի կառուցում:
Վանաձորում ևս նախատեսվում են մեծածավալ աշխատանքներ, որոնց կանդրադառնանք շուտով:
Հ․Գ․ Ծրագրերը մարզի բոլոր բնակավայրերում լինելու են շարունակական։ Չենք բավարարվելու կատարված աշխատանքներով»։