Քաղաքացիակենտրոն
լրատվություն

1996-97թթ.-ներին Գազելների դռները մի կերպ էինք պահում. անցել է 30 տարի, երթևեկում ենք «Ման»-երով, բայց գինը դեռ 100 դրամ է. Ավինյանը կոչ արեց պոպուլիզմի ժանրից դուրս գալ

1996-97թթ.-ներին Գազելների դռները մի կերպ էինք պահում. անցել է 30 տարի, երթևեկում ենք «Ման»-երով, բայց գինը դեռ 100 դրամ է. Ավինյանը կոչ արեց պոպուլիզմի ժանրից դուրս գալ
Քաղաքականություն
13:52, 13 февраль 2024
«Կարող ենք պոպուլիզմը լավ եփել, բայց կարող ենք վերհիշել ոչ այնքան հեռավոր 1996 թվականը, երբ ես, օրինակ, նստում էի 7 համարի Ռաֆը, որի դուռը պետք է մի ձևով պահեինք, կամ 91 համարի Գազելը, որի դուռը պիտի կրկին պահեինք, և 96, 97 թվականին տալիս էինք 100 դրամ: Այդ ժամանակաշրջանից անցել է մոտ 30 տարի, հլա 100 դրամի մասին ենք խոսում, բայց երթևեկում ենք «Ման»-երով ու 8.5-մետրանոց ավտոբուսներով: Այո, պիկ ժամերին դեռևս խնդիրներ ունենք, բայց եկեք այս պոպուլիզմի ժանրից անցնենք, որովհետև չի կարող 30 տարի տրանսպորտի գինը նույնը մնալ»,- այսօր Երևանի քաղաքապետարանի ավագանու նիստում հայտարարեց քաղաքապետ Տիգրան Ավինյանը:

Նա ընդգծեց, որ տրանսպորտային համակարգի փոխվելը բոլորս ենք տեսնում. «200 ավտոբուս ասում ենք, որ բերելու ենք, հավատում ենք, չէ՞, որ բերելու ենք»: