«Դելտա» շտամով վարակված երիտասարդներից մեկը մահացել է, 18 տարեկան մի երիտասարդ վերակենդանացման բաժանմունքում է․ նախարար

Քաղաքականություն

11:34, 02 сентябрь 2021

«Երեկվա դրությամբ իրականացվել է 6394 թեստավորումը, որից 636-ը եղել է դրական: Ցավոք, երեկ գրանցվել է 19 մահ: Այս «դելտա» շտամն աչքի է ընկնում ավելի մեծ վարակելիության աստիճանով և հիվանդության ընթացքի ծանրությամբ»,- այսօր՝ սեպտեմբերի 2-ին, կառավարության հերթական նիստի ժամանակ զեկուցեց առողջապահության նախարար Անահիտ Ավանեսյանը:

Նա ընդգծեց, որ այս շտամով հիվանդացությունն ավելի երիտասարդացել է. «Նախորդ շաբաթ երիտասարդներից մեկը մահացել է, և այս պահին էլ ունենք 18 տարեկան երիտասարդ, որը գտնվում է վերակենդանացման բաժանմունքում: Սա մեզ համար ահազանգ է»:

Նախարարի խոսքով՝ ծանր վիճակում են գտնվում 650 քաղաքացիներ, ծայրահեղ ծանր՝ 126. «Արհեստական շնչառական ապարատներին միացած են 51 քաղաքացիներ»: