Քաղաքացիակենտրոն
լրատվություն

Սեյրան Օհանյանը հարցաքննվել է ԱԱԾ-ում քննվող քրեական գործով. «Ես քննիչ չեմ, չգիտեմ՝ իրենք ինչ են ուզում, բայց ես որևէ խնդիր չունեմ».Սեյրան Օհանյան

Սեյրան Օհանյանը հարցաքննվել է ԱԱԾ-ում քննվող քրեական գործով. «Ես քննիչ չեմ, չգիտեմ՝ իրենք ինչ են ուզում, բայց ես որևէ խնդիր չունեմ».Սեյրան Օհանյան
Քաղաքականություն
18:07, 29 сентябрь 2021
ԱԱԾ-ն այս պահին խուզարկություն է իրականացնում պաշտպանության նախկին նախարար Դավիթ Տոնոյանի բնակարանում՝ ԱԱԾ-ում քննվող զենքի մատակարարման պայմանագրերի առնչությամբ հարուցված քրեական գործի շրջանակներում: Դատախազությունը չի հերքել ոչ խուզարկության, ոչ էլ նախկին նախարարի հնարավոր ձերբակալության մասին լուրերը։ Ի դեպ, նույն աղբյուրի փոխանցմամբ՝ առաջիկայում խուզարկություններ կկատարվեն նաեւ ԳՇ նախկին պետ Յուրի Խաչատուրովի և ՊՆ նախկին նախարար Սեյրան Օհանյանի բնակարաններում:

«Փաստինֆո»-ն այս առիթով մեկնաբանություն խնդրեց ՊՆ նախկին նախարար Սեյրան Օհանյանից, որը հաստատեց, որ ինքն այդ գործով հարցաքննվել է

«Ես չեմ ուզում գնահատել, չգիտեմ՝ իրենք ինչ պետք է հետախուզեն:Ես վկա եմ եղել այդ գործով, ինձ քննել են:

Ես քննիչ չեմ, չգիտեմ՝ իրենք ինչ են ուզում, բայց ես որևէ խնդիր չունեմ: Իրենք գործընթաց են անում, իրենցից էլ հարցրեք: Իրենք են քրեական գործ հարուցել, իրենք են օպերատիվ հետախուզական միջոցառումներ իրականացնում, ես ի՞նչ ասեմ: Նախաքննական քննության գաղտնիություն կա, ինձ որպես վկա հրավիրել են, ես մի քանի ամիս առաջ հարցաքննվել եմ»,-ասաց Սեյրան Օհանյանը։

Ըստ տեղեկությունների՝ խուզարկություններ են իրականացվում նաև ռազմական ավիացիայի նախկին պետ Ավետիք Մուրադյանի, ԳՇ պետի տեղակալ Ստեփան Գալստյանի բնակարաններում։