2010թ. ձեր քվեարկությամբ ուղերձ եք հղել Ալիևին, որ Շուռնուխից այն կողմ Ադրբեջանն է. Պապոյանը՝ ընդդիմությանը

«Այս հարցը անընդհատ բարձրացնում է ընդդիմությունը: Ես հասկանում եմ մեր ընդդիմադիր գործընկերներին. նրանք փորձում են արդարանալ, փորձում են պաշտպանվել այն գործողության համար, որ իրենք արել են սրանից 10-11 տարի առաջ»,- այսօր՝ հոկտեմբերի 5-ին, Ազգային ժողովում հայտարարեց «Քաղաքացիական պայմանագիր» խմբակցության պատգամավոր Գևորգ Պապոյանը:

Նա նշեց, որ այսօրվա ընդդիմությունը 2010թ. ընդունած իր օրենքով արձանագրել է, ուղերձ է հղել, որ Շուռնուխից այն կողմ Ադրբեջանի Հանրապետությունն է. «Նրանք այդ կերպ ուղերձ են հղել բոլորին, այդ թվում՝ Ալիևին: Դուք ձեր ընդունած օրենքով ընդունել եք, որ սահմանից արևելք, այս պարագայում՝ Քարվաճառը, Լաչինը իրենց համար Ադրբեջանի Հանրապետություն է, ինչպես Սերժ Սարգսյանն է դեռևս 2001 թվականին հայտարարել, որ Աղդամը իր հայրենիքը չէ: Նույն տրամաբանությունն է գործել»: