Քաղաքացիակենտրոն
լրատվություն

«Հայաստան» խմբակցությունը ՍԴ դիմում է ներկայացրել՝ վիճարկելով համայնքների խոշորացման վերաբերյալ օրենսդրական փաթեթը

«Հայաստան» խմբակցությունը ՍԴ դիմում է ներկայացրել՝ վիճարկելով համայնքների խոշորացման վերաբերյալ օրենսդրական փաթեթը
Քաղաքականություն
12:19, 08 октябрь 2021
«Հայաստան» խմբակցությունը, ինչպես և հայտարարել էր, համայնքների խոշորացման վերաբերյալ օրենսդրական փաթեթը վիճարկել է Սահմանադրական դատարանում: Այս մասին տեղեկացնում է «Հայաստան» դաշինքը։

«Հատկանշական է, որ մշտապես իր լիազորություններից գանգատվող Հանրապետության նախագահ Արմեն Սարգսյանն ունենալով Սահմանադրության պահպանմանը հետևելու սահմանադրական պարտականություն, այն պայմաններում, երբ օրենսդրական փաթեթը հակասելով միայն վերջերս հենց Սահմանադրական դատարանի ընդունած որոշման պահանջներին, խախտելով թվով 441 համայնքների լսվելու իրավունքը՝ չդիմեց Սահմանադրական դատարան, պարզապես սահմանափակվեց իշխանական որոշ ներկայացուցիչների հետ հանդիպումներով:

«Հայաստան» խմբակցության կողմից, հաշվի առնելով հարցի հրատապությունը՝ Սահմանադրական դատարանին նաև միջնորդություն է ներկայացվել անհապաղ կասեցնել այս օրենսդրական փաթեթի գործողությունը:

Դիմումը երեկ մուտքագրվել է ՍԴ»,- նշված է դաշինքի տարածած հաղորդագրությունում: