Քաղաքացիակենտրոն
լրատվություն

ԱԺ մեծամասնությունը փորձում է լուծել հանձնաժողովի փոխնախագահի ընտրության հարցը

ԱԺ մեծամասնությունը փորձում է լուծել հանձնաժողովի փոխնախագահի ընտրության հարցը
Քաղաքականություն
13:41, 18 ноябрь 2021
Ազգային ժողովի «Քաղաքացիական պայմանագիր» խմբակցության պատգամավոր Վիլեն Գաբրիելյանը «Ազգային ժողովի կանոնակարգ» Սահմանադրական օրենքում լրացումներ կատարելու մասին օրենքի նախագիծ է ներկայացրել:

Նա առաջարկում է օրենքի 138-րդ հոդվածը (Մշտական հանձնաժողովների նախագահների և նրանց տեղակալների ընտրությունները) լրացնել նոր՝ 11.1-րդ մասով.

«11.1. Եթե մշտական հանձնաժողովի նախագահի տեղակալը չի ընտրվում, ապա իրավասու խմբակցությունը քվեարկությունից հետո՝ հինգ աշխատանքային օրվա ընթացքում առաջադրում է նոր թեկնածու»:

Հիշեցնենք, որ Ազգային ժողովի «Հայաստան» խմբակցությունը պաշտպանության և անվտանգության հարցերի մշտական հանձնաժողովի փոխնախագահի թեկնածու է առաջադրում Արթուր Ղազինյանին: Նա 12 անգամ չի ընտրվել այդ պաշտոնում:

Նշենք, որ խմբակցությունը հրաժարվում է այլ թեկնածուի առաջադրել: