Զինված ուժերի բարեփոխումները չենք ընդունել, բայց քննարկում կամ հաստատում ենք ռազմական բյուջեն. Տիգրան Աբրահամյան
Քաղաքականություն
Այսօր՝ դեկտեմբերի 8-ին, ԱԺ հերթական նիստում շարունակում է քննարկվել 2022 թվականի բյուջեի մասին նախագիծը:
«Մենք ունենք հետպատերազմյան ժամանակահատված, ունենք աղետալի հետևանքներ, որն արտահայտված է և՛ սահմանագծում, և՛ զինված ուժերում, և՛ ընդհանրապես անվտանգության համակարգում, և մեկ տարի է՝ խոսում ենք զինված ուժերի բարեփոխումների մասին, բայց մինչ այժմ այդ հայեցակարգը որևէ ձևով ընդունված չէ: Սակայն մենք այժմ քննարկում կամ հաստատում ենք ռազմական բյուջեն: Այսինքն՝ մենք չենք էլ ձևակերպել՝ ուր ենք գնում, ինչ ճանապարհով ենք գնում»,- հայտարարեց «Պատիվ ունեմ» խմբակցության պատգամավոր Տիգրան Աբրահամյանը:
Նա հարց բարձրացրեց՝ կա՞ որևէ մեկը, որը գիտի, թե մենք ինչ մոդելի զինված ուժեր ենք կառուցում, համակարգը ինչպիսի՞ փոփոխությունների ենք ենթարկում և ո՞ր ուղղությամբ ենք շարժվելու, և պատասխանեց. «Որևէ մեկը չգիտի»:
«Բանակի վերականգնման հիմքում գլխավոր խնդիրն այն է, որ ինտելեկտուալ, պոտենցիալ ունեցող մեր երիտասարդներին բերենք զինված ուժեր, բերենք ռեֆորմ անենք, բերենք էդ մարդկանց շուրջը կառուցենք էս համակարգը: Ռազմական բյուջեում որևէ բան արտացոլված չէ, կա որոշակի աճ, բայց ակնհայտ է, որ դրանք գնալու են գնաճային որևէ խնդիր փակելու ուղղությամբ: Այս բյուջեին կարելի է դեմ քվեարկել հենց միայն ռազմական բլոկը հաշվի առնելով. տարածաշրջանային սպառնալիքներին որևէ լուծում չի տրվում»,- նշեց Տիգրան Աբրահամյանը:
«Մենք ունենք հետպատերազմյան ժամանակահատված, ունենք աղետալի հետևանքներ, որն արտահայտված է և՛ սահմանագծում, և՛ զինված ուժերում, և՛ ընդհանրապես անվտանգության համակարգում, և մեկ տարի է՝ խոսում ենք զինված ուժերի բարեփոխումների մասին, բայց մինչ այժմ այդ հայեցակարգը որևէ ձևով ընդունված չէ: Սակայն մենք այժմ քննարկում կամ հաստատում ենք ռազմական բյուջեն: Այսինքն՝ մենք չենք էլ ձևակերպել՝ ուր ենք գնում, ինչ ճանապարհով ենք գնում»,- հայտարարեց «Պատիվ ունեմ» խմբակցության պատգամավոր Տիգրան Աբրահամյանը:
Նա հարց բարձրացրեց՝ կա՞ որևէ մեկը, որը գիտի, թե մենք ինչ մոդելի զինված ուժեր ենք կառուցում, համակարգը ինչպիսի՞ փոփոխությունների ենք ենթարկում և ո՞ր ուղղությամբ ենք շարժվելու, և պատասխանեց. «Որևէ մեկը չգիտի»:
«Բանակի վերականգնման հիմքում գլխավոր խնդիրն այն է, որ ինտելեկտուալ, պոտենցիալ ունեցող մեր երիտասարդներին բերենք զինված ուժեր, բերենք ռեֆորմ անենք, բերենք էդ մարդկանց շուրջը կառուցենք էս համակարգը: Ռազմական բյուջեում որևէ բան արտացոլված չէ, կա որոշակի աճ, բայց ակնհայտ է, որ դրանք գնալու են գնաճային որևէ խնդիր փակելու ուղղությամբ: Այս բյուջեին կարելի է դեմ քվեարկել հենց միայն ռազմական բլոկը հաշվի առնելով. տարածաշրջանային սպառնալիքներին որևէ լուծում չի տրվում»,- նշեց Տիգրան Աբրահամյանը: