«Ժողովրդավարության աջակցության ազգային հիմնադրամ»-ը պատրաստ է աջակցել արդարադատության նախարարության բարեփոխումներին
Քաղաքականություն
Արդարադատության նախարար Կարեն Անդրեասյանը հանդիպել է «Ժողովրդավարության աջակցության ազգային հիմնադրամ»-ի ներկայացուցիչներին. այս մասին տեղեկացրին ՀՀ արդարադատության նախարարությունից։
«Ծրագրերի ավագ ղեկավար Էլսփետ Սութերսը ներկայացրել է ժողովրդավարության կայացման գործում պետություններին աջակցելուն ուղղված Հիմնադրամի գործունեության հիմնական ուղղությունները։ Վերջինս անդրադարձել է Հայաստանում գործող հասարակական կազմակերպությունների և ոչ կառավարական կազմակերպությունների հետ իրականացվող ծրագրերին, որոնք ներառում են նաև արդարադատության ոլորտի բարեփոխումները:
Նախարարը ներկայացրել է արդարադատության ոլորտում իրականացվող բարեփոխումները։ Անդրադառնալով Սահմանադրական բարեփոխումների գործընթացին, նախարարն ընդգծել է՝ որ գործընթացն իրականացվելու է հասարակական կազմակերպությունների հետ սերտ և կառուցողական համագործակցությամբ: Գործընթացը մեկնարկել է բազմաշահառու հանրային քննարկումների անցկացմամբ, որին հաջորդել են Սահմանադրական բարեփոխումների հանձնաժողովի ստեղծման օրենսդրական փաթեթի մշակման աշխատանքները, որոնց ակտիվորեն մասնակցել են հասարակական կազմակերպությունների ներկայացուցիչները: Վերջիններիս կողմից ներկայացված առաջարկությունների մեծ մասը հաշվի են առնվել»,- ասվում է հաղորդագրության մեջ։
Ըստ աղբյուրի՝ հիմնադրամի ներկայացուցիչները հետաքրքրվել են Հայաստանում դատաիրավական բարեփոխումների գործընթացով, որին ի պատասխան նախարարի տեղակալ Երանուհի Թումանյանցը ներկայացրել է դատաիրավական բարեփոխումների ռազմավարության հիմնական ուղղություններն ու իրականացման ընթացքը առանձնացնելով՝ դատավորների բարեվարքության գնահատմանն ուղղված բարեփոխումները։
Կողմերը քննարկել են նաև համագործակցության հնարավոր հեռանկարները։
«Ծրագրերի ավագ ղեկավար Էլսփետ Սութերսը ներկայացրել է ժողովրդավարության կայացման գործում պետություններին աջակցելուն ուղղված Հիմնադրամի գործունեության հիմնական ուղղությունները։ Վերջինս անդրադարձել է Հայաստանում գործող հասարակական կազմակերպությունների և ոչ կառավարական կազմակերպությունների հետ իրականացվող ծրագրերին, որոնք ներառում են նաև արդարադատության ոլորտի բարեփոխումները:
Նախարարը ներկայացրել է արդարադատության ոլորտում իրականացվող բարեփոխումները։ Անդրադառնալով Սահմանադրական բարեփոխումների գործընթացին, նախարարն ընդգծել է՝ որ գործընթացն իրականացվելու է հասարակական կազմակերպությունների հետ սերտ և կառուցողական համագործակցությամբ: Գործընթացը մեկնարկել է բազմաշահառու հանրային քննարկումների անցկացմամբ, որին հաջորդել են Սահմանադրական բարեփոխումների հանձնաժողովի ստեղծման օրենսդրական փաթեթի մշակման աշխատանքները, որոնց ակտիվորեն մասնակցել են հասարակական կազմակերպությունների ներկայացուցիչները: Վերջիններիս կողմից ներկայացված առաջարկությունների մեծ մասը հաշվի են առնվել»,- ասվում է հաղորդագրության մեջ։
Ըստ աղբյուրի՝ հիմնադրամի ներկայացուցիչները հետաքրքրվել են Հայաստանում դատաիրավական բարեփոխումների գործընթացով, որին ի պատասխան նախարարի տեղակալ Երանուհի Թումանյանցը ներկայացրել է դատաիրավական բարեփոխումների ռազմավարության հիմնական ուղղություններն ու իրականացման ընթացքը առանձնացնելով՝ դատավորների բարեվարքության գնահատմանն ուղղված բարեփոխումները։
Կողմերը քննարկել են նաև համագործակցության հնարավոր հեռանկարները։