Տիրան Խաչատրյանը չունի իրավունք ՊՆ-ի շենք մտնելու, մինչև դատարանը վեճը չլուծի․ փաստաբան
Քաղաքականություն / Իրավունք
ՀՀ Զինված ուժերի գլխավոր շտաբի նախկին պետ Օնիկ Գասպարյանի առաջին տեղակալ Տիրան Խաչատրյանը հայց էր ներկայացրել վարչական դատարան ընդդեմ ՀՀ նախագահ Արմեն Սարգսյանի՝ 24.02.2021թ․իրեն պաշտոնից ազատելու հրամանագիրն անվավեր ճանաչելու պահանջով։ Դատարանը մարտի 10-ին վարույթ է ընդունել ԳՇ պետի նախկին տեղակալի հայցը։ Տիրան Խաչատրյանի փաստաբան Ռոբերտ Հայրապետյանի մեկնաբանմամբ՝ դատարան վիճարկման հայց է ներակայցվել և հայցվորը կարող է պահանջել ամբողջությամբ կամ մասնակիորեն վերացնել միջամտող վարչական ակտը։
«Ինչ վերաբերում է հրամանագրի գործողության կասեցմանը, ապա այն կասեցվում է իրավունքի ուժով»,-գրել է փաստաբանը Ֆեյսբուքի իր էջում:
«Իմ քայլը» խմբակցության պատգամավոր Նիկոլայ Բաղդասարյանի դիտարմամբ էլ՝ ի կատար ածված վարչական ակտը չի կարող կասեցվել․ «Երբ արդեն մի գործողություն կատարվել է, դրա վիճարկումը չի կարող այդ վարչական ակտը կասեցնել։ Օրինակ՝ եթե վարչական ակտով բռնագանձվել է ինչ-որ մի իքս գումար, դատարան բողոքարկելով՝ այդ գումարի գանձումը չի կարող կասեցվել, որովհետև արդեն կատարվել է այդ գործողությունը»։
Պատգամավորի խոսքով՝ եթե Տիրան Խաչատրյանն արդեն ազատվել է աշխատանքից, ապա դատարանը չի կարող կասեցնել մի գործընթաց, որն արդեն ավարտված է․ «Կասեցվում է այն գործողությունը, որը ենթադրում է կատարում»։
Փաստաբան Ալեքսանդր Սիրունյանը ևս այն կարծիքին է, որ Տիրան Խաչատրյանի պաշտոնավարումը չի կարող կասեցվել, սակայն փաստաբանն այս իրավիճակին այլ հիմնավորում է տալիս․ «Ուժային կառույցների հետ կապված աշխատանքային վեճերը լուծում է վարչական դատարանը՝ օրինակ ՊՆ, Ոստիկանություն, Արդարադատության նախարարություն, Դատախազություն և այլն։ Սա վարչական ակտ չի, սա աշխատանքային հարաբերություն է, օրենքում պարզապես գրել են, որ պագոնավորների դատական վեճերը քննվում են վարչական դատարանում, թեպետ նախկինում այս վեճերը լուծվում էին քաղաքացիական դատարանում»,-մեկնաբանեց մեր զրուցակիցը։
Ալեքսանդր Սիրունյանը նշեց նաև, որ վարչական ակտն այն ակտն է որն արտաքին ազդեցություն ունի մարդկանց իրավունքների վրա՝ օրինակ՝ ապօրինի շինթույլտվություն, կադաստրի պետական գրանցում և այլն։
«Մենք այդ կարգի վեճ ունեցել ենք՝ «Կարեն Կիրակոսյանն ընդդեմ Արդարադատության նախարարության», որի արդյունքում քրեակատարողական ծառայող Կարեն Կիրակոսյանը վերականգնվեց, բայց այդ դատը տևեց չորս տարի՝ մինչև վարչական դատարանը վերականգնեց։ Տիրան Խաչատրյանը չունի իրավունք ՊՆ-ի շենք մտնելու՝ մինչև դատարանը վեճը չլուծի»,-եզրահանգեց Ալեքսանդր Սիրունյանը։
Նարա Մարտիրոսյան
«Ինչ վերաբերում է հրամանագրի գործողության կասեցմանը, ապա այն կասեցվում է իրավունքի ուժով»,-գրել է փաստաբանը Ֆեյսբուքի իր էջում:
«Իմ քայլը» խմբակցության պատգամավոր Նիկոլայ Բաղդասարյանի դիտարմամբ էլ՝ ի կատար ածված վարչական ակտը չի կարող կասեցվել․ «Երբ արդեն մի գործողություն կատարվել է, դրա վիճարկումը չի կարող այդ վարչական ակտը կասեցնել։ Օրինակ՝ եթե վարչական ակտով բռնագանձվել է ինչ-որ մի իքս գումար, դատարան բողոքարկելով՝ այդ գումարի գանձումը չի կարող կասեցվել, որովհետև արդեն կատարվել է այդ գործողությունը»։
Պատգամավորի խոսքով՝ եթե Տիրան Խաչատրյանն արդեն ազատվել է աշխատանքից, ապա դատարանը չի կարող կասեցնել մի գործընթաց, որն արդեն ավարտված է․ «Կասեցվում է այն գործողությունը, որը ենթադրում է կատարում»։
Փաստաբան Ալեքսանդր Սիրունյանը ևս այն կարծիքին է, որ Տիրան Խաչատրյանի պաշտոնավարումը չի կարող կասեցվել, սակայն փաստաբանն այս իրավիճակին այլ հիմնավորում է տալիս․ «Ուժային կառույցների հետ կապված աշխատանքային վեճերը լուծում է վարչական դատարանը՝ օրինակ ՊՆ, Ոստիկանություն, Արդարադատության նախարարություն, Դատախազություն և այլն։ Սա վարչական ակտ չի, սա աշխատանքային հարաբերություն է, օրենքում պարզապես գրել են, որ պագոնավորների դատական վեճերը քննվում են վարչական դատարանում, թեպետ նախկինում այս վեճերը լուծվում էին քաղաքացիական դատարանում»,-մեկնաբանեց մեր զրուցակիցը։
Ալեքսանդր Սիրունյանը նշեց նաև, որ վարչական ակտն այն ակտն է որն արտաքին ազդեցություն ունի մարդկանց իրավունքների վրա՝ օրինակ՝ ապօրինի շինթույլտվություն, կադաստրի պետական գրանցում և այլն։
«Մենք այդ կարգի վեճ ունեցել ենք՝ «Կարեն Կիրակոսյանն ընդդեմ Արդարադատության նախարարության», որի արդյունքում քրեակատարողական ծառայող Կարեն Կիրակոսյանը վերականգնվեց, բայց այդ դատը տևեց չորս տարի՝ մինչև վարչական դատարանը վերականգնեց։ Տիրան Խաչատրյանը չունի իրավունք ՊՆ-ի շենք մտնելու՝ մինչև դատարանը վեճը չլուծի»,-եզրահանգեց Ալեքսանդր Սիրունյանը։
Նարա Մարտիրոսյան
Կարդացեք նաև
11 մարտ 2021, 11:48
Դատարանը վարույթ է ընդունել է ԳՇ պետի նախկին տեղակալ Տիրան Խաչատրյանի դիմումը. հայտնի է դատական նիստի օրը
4 մարտ 2021, 12:14
Տիրան Խաչատրյանը դիմել է Վարչական դատարան՝ պահանջելով անվավեր ճանաչել նախագահի հրամանագիրը
10 մարտ 2021, 17:13
Վարչական դատարանը դեռևս չի ստացել Օնիկ Գասպարյանի հայցադիմումը․ արդյո՞ք վարչական մեխանիզմները կկիրառվեն այս գործի նկատմամբ
11 մարտ 2021, 11:16
«ՍԴ-ն և Վարչական դատարանը չեն կարող կասեցնել ԶՈՒ ԳՇ պետի ազատման հրամանագիրը»․ արդարադատության նախարար
24 փետրվար 2021, 23:06
Արմեն Սարգսյանի հրամանագրով Տիրան Խաչատրյանն ազատվել է ՀՀ ԶՈՒ գլխավոր շտաբի պետի առաջին տեղակալի պաշտոնից
10 մարտ 2021, 12:42
Օնիկ Գասպարյանն ընդունել է, որ ազատված է պաշտոնից և դիմել է Վարչական դատարան․ «Ես իմ ծառայությունը հայրենիքին և ժողովրդին շարունակելու եմ այլ կարգավիճակով»