Քաղաքացիակենտրոն
լրատվություն

Արայիկ Հարությունյանը պարգևատրել է Արցախի ազատամարտիկների միության մի խումբ անդամների

Արայիկ Հարությունյանը պարգևատրել է Արցախի ազատամարտիկների միության մի խումբ անդամների
Քաղաքականություն
12:04, 28 январь 2022
Արցախի Հանրապետության նախագահ Արայիկ Հարությունյանը, Հայրենյաց պաշտպանի օրվա կապակցությամբ, ընդունել է Արցախի ազատամարտիկների միության մի խումբ անդամների և Հայրենիքի պաշտպանության գործում ունեցած նշանակալի ավանդի համար պարգևատրել նրանց պետական պարգևներով. տեղեկացնում են ԱՀ նախագահի աշխատակազմից:

Երախտագիտություն հայտնելով հայրենանվեր ծառայության համար՝ երկրի ղեկավարն իր խոսքում մեկ անգամ ևս ընդգծել է, որ վերջին պատերազմի հետևանքները չեն կարող մեզ շեղել պետականակերտման այն ճանապարհից, որի համար ավելի քան երեսուն տարի պայքարում է հայ ժողովուրդը:

Նախագահ Հարությունյանի խոսքով՝ այն վեհ առաքելությունը, որն ամեն օր իրականացնում են Հայրենիքի պաշտպանները, Հայրենիքի հարատևությունն ապահովելու միջոցն է, իսկ երաշխավորված զարգացումը պայմանավորված է միասնական և համագործակցային աշխատանքով: