Դոնեցկի ղեկավարը հայտարարել է, որ Դոմբասում իրավիճակը շարժվում է դեպի պատերազմ

Դոնեցկի ինքնահռչակ հանրապետության ղեկավար Դենիս Պուշիլինը հայտարարել է, որ Դոմբասում իրավիճակը շարժվում է դեպի պատերազմ:
«Ցավոք, այո: Ցանկացած պահի կարող է սկսվել լայնածավալ հարձակում։ Դրա համար բացարձակապես ամեն ինչ պատրաստ է», - «Արմենպրես»-ի փոխանցմամբ՝ ասել է նա՝ «Ռոսիա 24» հեռուստաալիքի եթերում ՝ պատասխանելով հարցին, թե արդյոք Դոմբասում իրավիճակը լայնամասշտաբ պատերազմի կարող է հանգեցնել:

Ավելի վաղ, Պուշիլինը հայտարարել էր, որ ինքնահռչակ Դոնեցկի Ժողովրդական Հանրապետությունը կազմակերպում է բնակչության զանգվածային տարհանում ՝ կապված Ուկրաինայի ներխուժման սպառնալիքի հետ: Նրա խոսքով ՝ Ռուսաստանի Դաշնության ղեկավարության հետ ձեռք բերված պայմանավորվածության համաձայն Ռոստովի մարզում պատրաստ են ընդունման և տեղակայման վայրերը: