ԵՄ խորհուրդը հայտարարել է Ուկրաինայի, Վրաստանի և Մոլդովայի անդամակցության դիմումների քննարկման մեկնարկի մասին

ԵՄ-ն սկսել է գրավոր ընթացակարգ՝ կապված Ուկրաինայի, Վրաստանի և Մոլդովայի խնդրանքի հետ՝ իրենց կազմակերպություն ընդունելու վերաբերյալ։ Այս մասին երկուշաբթի Twitter-ում հայտնել է ԵՄ Խորհրդում Ֆրանսիայի նախագահությունը։

«ԵՄ-ում սկսվել է գրավոր ընթացակարգ՝ նախապատրաստելու Եվրահանձնաժողովի պատասխանները Ուկրաինայի, Վրաստանի և Մոլդովայի խնդրանքներին, որոնք դիմել են ԵՄ-ին անդամակցելու համար»,- ասվում է զեկույցում։ 

Փորձագետների կարծիքով՝ Եվրահանձնաժողովը պետք է պաշտոնական կարծիք հայտնի այս դիմումների վերաբերյալ։ Այնուհետև 27 երկրներ պետք է համաձայնության գան, թե արդյոք համաձայն են Ուկրաինային, Վրաստանին և Մոլդովային տալ թեկնածուի կարգավիճակ, որն անհրաժեշտ է երկար և բարդ բանակցություններ սկսելու համար։

Փորձագետների կարծիքով՝ ԵՄ-ին անդամակցելու հայտը քննարկելու պայմաններից մեկը՝ երկրի քաղաքական կայունությունն ու տնտեսության կենսունակությունն է։ Ընթացակարգը բաղկացած է բազմաթիվ փուլերից։ Թեկնածու երկրները պետք է բարեփոխումներ իրականացնեն եվրոպական չափանիշներին հասնելու համար։ Ֆրանսիայի քաղաքական շրջանակները չեն բացառում, որ մարտի 10-11-ը Վերսալում կայանալիք ԵՄ գագաթնաժողովում կարող է բարձրացվել Ուկրաինային, Վրաստանին և Մոլդովային թեկնածուի կարգավիճակ տրամադրելու շուրջ բանակցություններ սկսելու հարցը։