Ոչ թե պաշտոնական, այլ աշխատանքային․ ԱԺ-ի կողմից Արցախ գործուղված Թագուհի Թովմասյանը որոշել է այցը նաև սեփական PR-ի համար օգտագործել
Քաղաքականություն
ԱԺ «Պատիվ ունեմ» խմբակցության պատգամավոր Թագուհի Թովմասյանն իր համեստ անձը կարևորելու խնդիր է դրել իր առաջ։ ԱԺ նախագահ Ալեն Սիմոնյանի կարգադրությամբ Թովմասյանը աշխատանքային այցով 2022 թվականի մարտի 22-25-ը գործուղվել է Ստեփանակերտ (Արցախի Հանրապետություն)՝ որպես Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահ։ Բայց քանի որ, ինչպես ասացինք, տիկին Թովմասյանն իր անձը կարևորելու խնդիր ունի, այցը որոշել է ծառայեցնել սեփական PR-ին։ Նրան փաստացի պատկանող armlur.am կայքը, լուսաբանելով այցը, այն ներկայացնում է որպես «պաշտոնական այց»։ «Արցախ կատարած պաշտոնական այցի շրջանակներում Թագուհի Թովմասյանի գլխավորած պատվիրակությունը հանդիպեց նաև ԱՀ ԱԺ նախագահ Արթուր Թովմասյանի հետ»,- գրել է կայքը։
Նշենք, որ ԱԺ նախագահի կարգադրության մեջ նշված է միայն մեկ անձի՝ Թ. Թովմասյանին գործուղելու մասին, ոչ մի պատվիրակության մասին խոսք չկա։ Սակայն այցին ներկայացուցչական շուք հաղորդելու համար տիկինը որոշել է անհատական այցը, որն ի դեպ, շատ կարևոր խնդրով է, մատուցել որպես պատվիրակության այց, որը գլխավորում է ինքը։
Նշենք, որ Թովմասյանը գործուղվել է փաստահավաք առաքելության նպատակով՝ Արցախում ստեղծված հումանիտար ճգնաժամին տեղում ծանոթանալու համար։
Ըստ կարգադրության՝ գործուղման հետ կապված ծախսերը՝ ճանապարհածախսը, օրապահիկը և գիշերավարձը, ըստ փաստացի կատարած ծախսերը հավաստող փաստաթղթերի, կատարելու են Հայաստանի Հանրապետության 2022 թվականի պետական բյուջեով Ազգային ժողովին այդ նպատակի համար հատկացված միջոցների հաշվին։
Թե ինչ պատվիրակություն է ուղեկցում Թովմասյանին և ում ֆինանսավորմամբ՝ հայտնի չէ։ Պատվիրակություն ասելով պատգամավորը հավանաբար նկատի ունի այցը լուսաբանող լրագրողին, օպերատորին, իր օգնականին և իրեն ուղեկցող այլ մասնավոր անձանց։
Համեստությունը հաստատ կզարդարեր տիկնոջը։
Նշենք, որ ԱԺ նախագահի կարգադրության մեջ նշված է միայն մեկ անձի՝ Թ. Թովմասյանին գործուղելու մասին, ոչ մի պատվիրակության մասին խոսք չկա։ Սակայն այցին ներկայացուցչական շուք հաղորդելու համար տիկինը որոշել է անհատական այցը, որն ի դեպ, շատ կարևոր խնդրով է, մատուցել որպես պատվիրակության այց, որը գլխավորում է ինքը։
Նշենք, որ Թովմասյանը գործուղվել է փաստահավաք առաքելության նպատակով՝ Արցախում ստեղծված հումանիտար ճգնաժամին տեղում ծանոթանալու համար։
Ըստ կարգադրության՝ գործուղման հետ կապված ծախսերը՝ ճանապարհածախսը, օրապահիկը և գիշերավարձը, ըստ փաստացի կատարած ծախսերը հավաստող փաստաթղթերի, կատարելու են Հայաստանի Հանրապետության 2022 թվականի պետական բյուջեով Ազգային ժողովին այդ նպատակի համար հատկացված միջոցների հաշվին։
Թե ինչ պատվիրակություն է ուղեկցում Թովմասյանին և ում ֆինանսավորմամբ՝ հայտնի չէ։ Պատվիրակություն ասելով պատգամավորը հավանաբար նկատի ունի այցը լուսաբանող լրագրողին, օպերատորին, իր օգնականին և իրեն ուղեկցող այլ մասնավոր անձանց։
Համեստությունը հաստատ կզարդարեր տիկնոջը։