Մեկ օր դադար վերցնելուց, ամբողջ ուժերը լարելուց հետո հաջողվեց ընդամենը 4000 մարդ հավաքել հրապարակում․ եթե սա «համահայաստանյան մեծ հանրահավաք» է, ապա 2018-ի հեղափոխության օրերին եղել են միջտիեզերական հանրահավաքներ․ Տարոն Չախոյան

Քաղաքականություն

19:15, 15 май 2022

Վարչապետի աշխատակազմի ղեկավարի տեղակալ Տարոն Չախոյանը գրել է․

Սա Ֆրանսիայի հրապարակն է՝ 18։40-ի դրությամբ։

Ցուցարարների հանրահավաքի մեկնարկից միայն 40 րոպե անց հանրահավաքի մասնակիցների թիվը հասավ առավելագույնին։
18։40-ի դրությամբ մոտ 4000 մարդ կար հրապարակում։

Հանրահավաքի մեկնարկին հրապարակում կար ընդամենը 2500 մարդ։

Փաստորեն, մեկ օր դադար վերցնելուց ու ամբողջ ուժերը լարելուց հետո ցուցարարներին հաջողվեց ընդամենը 4000 մարդ հավաքել հրապարակում։

Եվ սա՝ շարժման առաջնորդները համարում են «համահայաստանյան մեծ հանրահավաք»։

Եթե սա «համահայաստանյան մեծ հանրահավաք» է, ինչպես իրենք են անվանում, ապա 2018-ի հեղափոխության օրերին եղել են միջտիեզերական հանրահավաքներ։