Վարչապետին ուղղված լրատվամիջոցների պահանջը ժողովրդավարության հետ կապ չունի․ կտրականապես դեմ եմ, որ վարչապետի ասուլիսը տեղի ունենա պահանջվող ձևաչափով․ Արման Բաբաջանյան
Քաղաքականություն
Հանուն Հանրապետության կուսակցության նախագահ Արման Բաբաջանյանը ֆեյսբուքյան էջում գրել է․
«Ի գիտություն՝ գործընկեր լրատվամիջոցների ներկայացուցիչներին։
Աշխարհի մի շարք երկրներում ուսանել և ապրել եմ։ Ոչ մի երկրում ուղիղ եթերում լրագրողներին ազատորեն հնարավորություն չի տրվում հարց ուղղել երկրի ղեկավարին։ Վարչապետին ուղղված լրատվամիջոցների պահանջը ժողովրդավարության հետ կապ չունի։
Հաշվի առնելով Հայաստանի և Արցախի առջև գոյաբանական մարտահրավերները, ներքին պառակտիչ քաղաքական շրջանակների և նրանց անթաքույց սպասարկող մամուլի առատ միջոցների առկայությունը, կտրականապես դեմ եմ, որ վարչապետի ասուլիսը տեղի ունենա պահանջվող ձևաչափով։
2020թ․ աղետալի պատերազմից հետո վկայաբերել 2018-ի հեղափոխական ալիքի վրա անցկացվող մամլո ասուլիսները լուրջ չէ։
Ներքաղաքական պայքարի սուբյեկտ դարձած մամուլի բազմաթիվ միջոցներ, առանց որևէ խոչընդոտի, հեռարձակվում են հանրային մուլտիպլեքսի ալիքներով, օնլայն տիրույթում ամենավերջին հայհոյանքը և քննադատությունը հասցնելով երկրի վարչապետին և ղեկավարներին։
Ժողովրդավարությունից որևէ նահանջի մասին խոսք լինել չի կարող։ Հակառակը՝ կարծում եմ այդ տիրույթում պետությունը իր կարգավորիչ գործիքները լավագույնս չի կիրառում՝ ժողովրդավարությունը պատշաճ պաշտպանելու համար»։
Կարդացեք նաև
17 հուլիս 2021, 20:41
Հավաքվում ենք ՍԴ շենքի առջև․ Արման Բաբաջանյան
26 հունիս 2022, 15:50
Ասուլիսի ձևաչափը փոխելու պահանջ ներկայացրած մի շարք լրատվամիջոցներ ուղիղ եթերում շոու են տենչում․ դրա ժամանակը չէ․ չորրորդ իշխանությունը պետք է պատասխանատվության իր բաժինը գիտակցի․ Արման Բաբաջանյան
8 հուլիս 2021, 22:44
Վաղը ՍԴ-ի դիմաց հավաքվում ենք՝ ի պաշտպանություն ժողովրդավարության․ Արման Բաբաջանյան
7 փետրվար 2022, 21:22
Հույս ունեմ` Բելառուսի նորանշանակ դեսպանն արդեն կանչվել է ՀՀ ԱԳՆ՝ պարզաբանման. Արման Բաբաջանյան
6 հուլիս 2021, 19:04
ՍԴ քննարկման օրը Հանուն Հանրապետության կուսակցությունը կազմակերպում է հավաք՝ ի պաշտպանություն ժողովրդավարության․ Արման Բաբաջանյան
22 հոկտեմբեր 2021, 14:18
Ի տարբերություն նախագահի պաշտոնը երբեմնի զբաղեցրած անձնավորության՝ մենք կարծում ենք, որ քաղաքականության համար խելքը պետք է. Արման Բաբաջանյան