Լաչինի միջանցքի անխափան աշխատանքի ապահովումը ռուս խաղաղապահների պատասխանատվությունն է. ես հավաստիացումներ եմ ստացել. Նիկոլ Փաշինյան
Քաղաքականություն
Այսօր՝ հունիսի 27-ին, ֆեյսբուքյան ասուլիսի ժամանակ ՀՀ վարչապետ Նիկոլ Փաշինյանից «Արցախսփիքս» լրատվական գործակալությունը հետաքրքրվել էր, թե երբ է գործարկվելու Արցախը Հայաստանին կապող նոր միջպետական ճանապարհը. «Հնարավոր համարո՞ւմ եք, որ Ադրբեջանը փորձի այդտեղ անցակետ տեղադրել կամ պահանջել նույն միջանցքային տրամաբանությունը Սյունիքով անցնող ճանապարհով»:
Ի պատասխան վարչապետը նշեց, որ Ադրբեջանը իր այդպիսի ցանկությունը չի թաքցնում երբեմն նաև աշխատանքային մակարդակում. «Բայց դա ռուս խաղաղապահների պատասխանատվության գոտին է, և Լաչինի միջանցքի անխափան աշխատանքի ապահովումը ռուս խաղաղապահների պատասխանատվությունն է: Եվ մենք Ռուսաստանում բարձրագույն մակարդակում ստացել ենք հավաստիացումներ, որ այդպես էլ կլինի: Եռակողմ հայտարարության տառին և ոգուն համապատասխան՝ միջանցքը պետք է գտնվի ռուս խաղաղապահների վերահսկողության ներքո՝ Լեռնային Ղարաբաղ-Հայաստան կապը ապահովելու համար: Մենք պետք է ելնենք փաստաթղթից, և այդտեղ որևէ այլ մեկը վերահսկողություն պիտի չունենա»:
Վարչապետի համոզմամբ՝ Ռուսաստանը պետք է կատարի իր ստանձնած պարտավորությունները. «Ես ստացել եմ այդ հավաստիացումները»:
Ի պատասխան վարչապետը նշեց, որ Ադրբեջանը իր այդպիսի ցանկությունը չի թաքցնում երբեմն նաև աշխատանքային մակարդակում. «Բայց դա ռուս խաղաղապահների պատասխանատվության գոտին է, և Լաչինի միջանցքի անխափան աշխատանքի ապահովումը ռուս խաղաղապահների պատասխանատվությունն է: Եվ մենք Ռուսաստանում բարձրագույն մակարդակում ստացել ենք հավաստիացումներ, որ այդպես էլ կլինի: Եռակողմ հայտարարության տառին և ոգուն համապատասխան՝ միջանցքը պետք է գտնվի ռուս խաղաղապահների վերահսկողության ներքո՝ Լեռնային Ղարաբաղ-Հայաստան կապը ապահովելու համար: Մենք պետք է ելնենք փաստաթղթից, և այդտեղ որևէ այլ մեկը վերահսկողություն պիտի չունենա»:
Վարչապետի համոզմամբ՝ Ռուսաստանը պետք է կատարի իր ստանձնած պարտավորությունները. «Ես ստացել եմ այդ հավաստիացումները»: