Հայկական կողմի մտահոգությունները դեռևս 2021 թ․ փետրվարին գրավոր կերպով փոխանցվել են ՌԴ բարձրագույն ղեկավարությանը․ ՀՀ ԱԳՆ-ն՝ ի պատասխան Լավրովի հայտարարության

Հիշեցնենք, որ այսօր՝ օգոստոսի 5-ին, Ռուսաստանի Դաշնության արտգործնախարար Սերգեյ Լավրովը, մեկնաբանելով ՀՀ վարչապետի հայտարարությունը ռուսական խաղաղապահ առաքելության գործունեության հստակեցման անհրաժեշտության մասին, հայտարարել է, որ Մոսկվան դեռ չի տեսել կոնկրետ առաջարկներ, որոնք Հայաստանի վարչապետը ցանկանում է քննարկման դնել Լեռնային Ղարաբաղում ռուսական խաղաղապահ գործողության համատեքստում։

Ավելին՝ կառավարությունը  ռուսական կողմին առաջարկել է պարզաբանել, թե Լեռնային Ղարաբաղում ադրբեջանական ագրեսիայի,  ոտնձգությունների  ու  շփման գծի վրա ռազմական գործողությունների հնարավոր դեպքերի պարագայում ինչպե՞ս պետք  է արձագանքի Լեռնային Ղարաբաղում տեղակայված ռուսական խաղաղապահ զորախումբը։  

Եվ, ի  վերջո, Լեռնային Ղարաբաղում տեղակայված ռուս խաղաղապահների միակ և  գլխավոր խնդիրը շփման գծի ողջ երկայնքով հրադադարի պահպանումն է, այլ ոչ թե դիտորդի կարգավիճակում Ադրբեջանի կողմից սանձազերծված հրադադարի խախտման դեպքերի պոստ սկրիպտում արված արձանագրումները։

Հիշեցնենք նաև, որ Civic.am-ը անդրադարձել էր թեմային իր՝  «Հայաստանը դեռևս 2021 թվականին պաշտոնական նամակով դիմել է ՌԴ-ին խաղաղապահների հարցով» վերտառությամբ հրապարակման մեջ։