Ռոբերտ Սպանոն ՄԻՊ-ին ներկայացրել է ՄԻԵԴ-ում Հայաստանի դեմ ներկայացված գործերի վիճակագրությունը
Քաղաքականություն
Սեպտեմբերի 27-ին Մարդու իրավունքների պաշտպան Քրիստիննե Գրիգորյանը հանդիպել է Մարդու իրավունքների եվրոպական դատարանի նախագահ Ռոբերտ Սպանոյի հետ: Հանդիպմանը մասնակցել է նաև ՄԻԵԴ դատավոր Արմեն Հարությունյանը, տեղեկացնում են ՄԻՊ-ի գրասենյակից։
Շնորհակալություն հայտնելով հանդիպման հնարավորության համար՝ Պաշտպանը կարևորել է միջազգային գործընկերների հետ տարվող աշխատանքները և համագործակցությունը։ Իր խոսքում Քրիստիննե Գրիգորյանը ներկայացրել է Ադրբեջանական ագրեսիայի հետևանքները և ընդգծել մարդու իրավունքների պաշտպանության ու երաշխավորման կարևորությունը անվտանգության լրջագույն սպառնալիքների համատեքստում:
Գրիգորյանն անդրադարձել է ՄԻԵԴ-ում քննվող գործերով Մարդու իրավունքների պաշտպանի՝ որպես երրորդ կողմ հանդես գալու իրավասությանն ու այդ ուղղությամբ Պաշտպանի հաստատության կողմից տարվող աշխատանքներին:
Գրիգորյանը նաև Դատարանի նախագահին է տրամադրել Ադրբեջանի կողմից Հայաստանի վրա հարձակման հետևանքների վերաբերյալ Պաշտպանի արտահերթ զեկույցը, որում ի թիվս այլնի, վերլուծված են ադրբեջանական հարձակման ընթացքում արձանագրված խոշտանգումների, անմարդկային կամ նվաստացնող վերաբերմունքի դեպքերը:
Ռոբերտ Սպանոն ներկայացրել է ՄԻԵԴ-ում Հայաստանի դեմ ներկայացված գործերի վիճակագրությունը՝ անդրադառնալով արձանագրվող հիմնական խախտումներին և դրանց ուղղությամբ Պետության կողմից ձեռնարկվելիք քայլերին:
ՄԻԵԴ նախագահն ընդգծել է Դատարանի գործունեության շրջանակներում Պաշտպանի հաստատության հետ համագործակցության նշանակությունը, Պաշտպանի կողմից փաստարկված տեղեկատվության հավաքագրումն ու տրամադրումը:
Կարդացեք նաև
12 հոկտեմբեր 2021, 21:11
ՄԻԵԴ-ում երրորդ կողմ, ՀԿ-ների հետ հատուկ դիրքորոշումներ ԵԽ Նախարարների կոմիտե․ ՀՀ ՄԻՊ-ը հանդիպել է Միջազգային պաշտպանության կենտրոնի պատվիրակությանը
24 հունիս 2022, 22:11
ՍԴ նախագահը հանդիպել է ՄԻԵԴ-ի նախագահի հետ
1 մարտ 2022, 14:05
ՄԻՊ-ը անդրադարձել է գերիների ու պահվող քաղաքացիական անձանց վերադարձի, ատելության խոսքի դեմ պայքարի և այլ հարցերի կարևորությանը
26 ապրիլ 2022, 10:29
ՄԻՊ-ը Ժնևում մասնակցել է անվտանգային ոլորտին առնչվող քննարկմանը
22 սեպտեմբեր 2022, 16:46
ՀՀ ՄԻՊ-ը Անդրեա Վիկտորինին է ներկայացրել հայ ռազմագերիների ու զոհված զինծառայողների նկատմամբ իրականացված հանցագործությունները
9 հունիս 2022, 13:38
ՀՀ ՄԻՊ-ն այսօր հանդիպել է ԱՄՆ պետքարտուղարի Ժողովրդավարության, մարդու իրավունքների և աշխատանքի հարցերով փոխտեղակալի հետ․ Հանդիպման ընթացքում ներկայացվել է մարդու իրավունքների պաշտպանության իրավիճակը Հայաստանում