Քաղաքացիակենտրոն
լրատվություն

Ռուս խաղաղապահները մեկ օրվա ընթացքում ականազերծել են 3 հա տարածք

Ռուս խաղաղապահները մեկ օրվա ընթացքում ականազերծել են 3 հա տարածք
Քաղաքականություն
23:05, 21 апрель 2021
Ռուսաստանի Դաշնության պաշտպանության նախարարության միջազգային ականազերծման կենտրոնի մասնագետները շարունակում են Լեռնային Ղարաբաղում ականազերծման և պայթյունավտանգ իրերի հայտնաբերման ու վնասազերծման աշխատանքները: Այս մասին հայտնում է ՌԴ պաշտպանության նախարարության պաշտոնական կայքը:

Ռուսաստանյան խաղաղապահները մեկ օրվա ընթացքում ականազերծել են 3 հա տարածք, հայտնաբերել՝ 3 պայթյունավտանգ առարկա: Ընդհանուր առմամբ, 2020 թ. նոյեմբերի 23-ից չպայթած զինամթերքից մաքրվել է 2 020 հա տարածք, 621 կմ ճանապարհ, 1 716 շենք-շինություն, այդ թվում՝ 30 սոցիալական նշանակության օբյեկտ, հայտնաբերվել և վնասազերծվել է 25 583 պայթունավտանգ առարկա։