Միջազգային հանրության հրատապ և թիրախավորված արձագանքը պարտադիր է․ ՀՀ նախագահը՝ Լաչինի միջանցքը փակելու մասին

ՀՀ նախագահ Վահագն Խաչատուրյանը թվիթերի իր միկրոբլոգում գրել է․

«Լաչինի միջանցքը փակելով ավելի քան 120.000 մարդ՝ երեխաներ, տարեցներ, կանայք ու տղամարդիկ զրկված են դեպի Հայաստան և ամբողջ աշխարհ մուտք ունենալու կենսական հնարավորությունից։ Հերթական մարտահրավերի 2-րդ օրն իսկ Արցախի ժողովուրդը կանգնած է գոյաբանական խնդրի առաջ։ Միջազգային հանրության հրատապ և թիրախավորված արձագանքը պարտադիր է»:

Հիշեցնենք, որ դեկտեմբերի 12-ին ժամը 10։30-ի սահմաններում, ադրբեջանական կողմը խախտելով 2020 թվականի նոյեմբերի 9-ի եռակողմ համաձայնագրի դրույթները, բնապահպանական պատճառաբանություններով փակել է Արցախն աշխարհին կապող կյանքի միակ ճանապարհը` ոտնահարելով քաղաքացիական բնակչության կենսական շահերն ու իրավունքները:
 
Նշենք նաև Ադրբեջանը դադարեցրել է Արցախի Հանրապետության գազամատակարարումը: 


Թարգմանությունը՝ Անահիտ Խաչատրյանի