Քաղաքացիակենտրոն
լրատվություն

«Հայրենիք» կուսակցությունը ՀՀԿ-ի հետ դաշինք կազմելու գործընթաց է սկսել՝ ԱԺ արտահերթ ընտրություններին մասնակցելու համար

«Հայրենիք» կուսակցությունը ՀՀԿ-ի հետ դաշինք կազմելու գործընթաց է սկսել՝ ԱԺ արտահերթ ընտրություններին մասնակցելու համար
Քաղաքականություն / Հայաստան
12:46, 01 май 2021
«Հայրենիք» կուսակցությունը հայտարարություն է տարածել, որում մասնավորապես նշվում է, որ կուսակցության խորհուրդը որոշել է մասնակցել ԱԺ արտահերթ ընտրություններին և սկսել ՀՀԿ-ի հետ դաշինք կազմելու գործընթացը:
 
«Առաջնորդվելով հանուն հայրենիքի պայքարը համագործակցային մթնոլորտում կազմակերպելու վճռականությամբ և ազգային ուժերի հետ գործակցելու պատրաստականությամբ,

Արձանագրելով, որ «Հայրենիք» կուսակցությունն իր անզիջում ու արմատական պայքարով ճանապարհ է բացել նաև գաղափարական և ազգային այլ ուժերի համար,

Եվ վերջապես՝ հիմնվելով այն համոզմունքի վրա, որ սա պայքար է՝ հանուն անվտանգ ու արժանապատիվ Հայաստանի և Արցախի Հանրապետությունների ապագայի՝ «Հայրենիք» կուսակցության խորհուրդը որոշեց՝

Մասնակցել հնարավոր արտահերթ խորհրդարանական ընտրություններին և սկսել Հայաստանի Հանրապետական կուսակցության հետ դաշինք կազմելու գործընթացը»,- ասված է հաղորդագրությունում: