«Ադրբեջանն ավելի մեծ գրոհներ էր պատրաստում, երբ հարձակվեց Հայաստանի վրա նախորդ տարվա սեպտեմբերին․ Իրանի գործողություններն օգնեցին կանգնեցնել իրավիճակի հետագա վատթարացումը»․ ՀՀ ԱԳ փոխնախարար
Քաղաքականություն / Տարածաշրջան
Հայաստանի արտաքին գործերի փոխնախարար Վահան Կոստանյանն ասել է, որ Իրանի գործողությունների եւ հայտարարությունների շնորհիվ 2022թ. սեպտեմբերին հաջողվեց խուսափել Ադրբեջանի հարձակման հետագա ծավալումից:
«Մենք հետախուզական տվյալներ ունեինք, որ Ադրբեջանն ավելի մեծ գրոհներ էր պատրաստում, երբ հարձակվեց Հայաստանի վրա նախորդ տարվա սեպտեմբերին: Իրանի գործողություններն ու հայտարարությունները օգնեցին կանգնեցնել իրավիճակի հետագա վատթարացումը», - ասել է Վահան Կոստանյանը Al-Monitor պարբերականի հետ զրույցում:
Արտաքին գործերի փոխնախարարը նշել է, որ իրանական զինամթերքի գնման հարց Հայաստանի օրակարգում չկա:
Խոսելով Ադրբեջանի նպատակների մասին, արտաքին գործերի փոխնախարարն առանձնացրել է երեքը.
«Լեռնային Ղարաբաղում էթնիկ զտում իրականացնել, տարածաշրջանում լայնածավալ ռազմական լարվածություն հրահրել եւ ստիպել Հայաստանին արտատարածքային միջանցք տրամադրել»:
Կարդացեք նաև
21 սեպտեմբեր 2021, 18:10
Իրանի ԱԳ փոխնախարարն այցելելու է Ադրբեջան
11 հոկտեմբեր 2021, 14:32
Իրանի արտգործնախարարն ասել է, որ շուտով կայցելի Երևան և Բաքու
26 մայիս 2021, 10:29
Իրանի ԱԳ նախարար Մոհամմադ Ջավադ Զարիֆը Երեւանում է
10 նոյեմբեր 2022, 20:36
Իրանում Ադրբեջանի դեսպանը կանչվել է Արտաքին գործերի նախարարություն
16 հուլիս 2022, 12:42
Մեկնարկել է Հայաստանի և Ադրբեջանի արտաքին գործերի նախարարների հանդիպումը
7 փետրվար 2022, 17:29
Իրանի ԱԳ նախարարը շնորհավորել է Հայաստան-Իրան դիվանագիտական հարաբերությունների հաստատման 30-ամյակը