Լավրովը մեկնաբանել է ամերիկյան ԱԹՍ-ի հետ կապված միջադեպը

ՌԴ ԱԳ նախարար Սերգեյ Լավրովը մեկնաբանել է Սև ծովի օդային տարածքում անօդաչու սարքի հետ կապված իրավիճակը:

«Ցանկացած միջադեպ, որը հրահրում է երկու մեծ տերությունների, երկու միջուկային տերությունների բախում, որոնք ամենամեծն են աշխարհում, միշտ շատ լուրջ ռիսկեր են տալիս։ Նրանք (ԱՄՆ-ը) դա չեն կարող չհասկանալ», – հայտարարել է Լավրովը։

Լավրովը հավելել է, որ ԱՄՆ-ն անտեսում է այն փաստը, որ Ուկրաինայում ՌԴ հատուկ գործողության մեկնարկից հետո Սև ծովի ափամերձ շրջանները թռիչքների համար սահմանափակ կարգավիճակ ունեն, դա սադրանք է թվում:


ԱՄՆ ԶՈՒ-ն հայտարարել էր ռուսական Սու-27-ի և ամերիկյան MQ-9 ԱԹՍ-ի բախման մասին:

Ինչպես փոխանցել են Ռուսաստանի Պաշտպանության նախարարությունից, անօդաչու թռչող սարքը կտրուկ մանևրելու արդյունքում անցել է անկառավարելի թռիչքի՝ բարձրության կորստով և բախվել ջրային մակերեսին։