Քաղաքացիակենտրոն
լրատվություն

Քոչարյանի հրավիրած հանրահավաքին մասնակցելու պարտադրանքի են ենթարկվում տարբեր ընկերությունների աշխատակիցներ․ tiv1.am

Քոչարյանի հրավիրած հանրահավաքին մասնակցելու պարտադրանքի են ենթարկվում տարբեր ընկերությունների աշխատակիցներ․ tiv1.am
Քաղաքականություն
13:48, 09 май 2021
Այսօր մայիսի 9-ին, Ազատության հրապարակում Ռոբերտ Քոչարյանի հրավիրած հանրահավաքին մասնակցելու պարտադրանքի են ենթարկվում տարբեր ընկերությունների աշխատակիցներ։

Մասնավորապես Սամվել Կարապետյանին (Տաշիրի Սամվել) պատկանող էլէկտրոցանցի` Ճամբարակ քաղաքի մասնաճյուղի աշխատակիցները 30-40 հոգանոց խմբերով ներկայանում են Հյուսիսային պողոտայի Բիլայնի գրասենյակի մոտ նախանշված վայրում և գրանցվում հանրահավաքի մասնակցության համար։

Հարկ է ընդգծել, որ այս ամենն արդեն դրսևորվում է այն դեպքում, երբ պաշտոնապես անգամ չի մեկնարկել նախընտրական քարոզարշավը։ Ավելորդ է ընդգծել, որ այս օրինակը մեկն է հարյուրյակների հասնող մեծ ու փոքր ընկերությունների ցանկից, որոնք պատկանում են նշված գործելակերպով ուղղորդվող շրջանակներին։

Հրավիրում ենք օրինապահ համակարգի ուշադրությունը` կատարվողին իրավական գնահատական տալու և համապատասխան միջամտություն իրականացնելու ակնկալիքով։ tiv1.am