Քոչարյանի թիմը հայ զինվորի սպանության կադրերը դարձրել է նախընտրական ձայներ ստանալու զազրելի և էժանագին միջոց. Կոնջորյան
Քաղաքականություն
«Քաղաքացիական պայմանագիր» կուսակցության անդամ Հայկ Կոնջորյանը արտահերթ խորհրդարանական ընտրությունների քարոզարշավի շրջանակում Գյումրիում հայտարարեց. «Հայաստանը, այսպես կոչված, փրկելու հայտ ներկայացրած Ռոբերտ Քոչարյանի թիմը հայկական հեռուստատեսությամբ վճարովի գովազդով պտտում է մի տեսանյութ, որտեղ թուրքական արտադրության ադրբեջանական «Բայրաքթարները» ռմբահարում էին հայ զինվորներին, և որտեղ ցուցադրվում էին հայ զինվորների սպանության տեսարանները: Որքան հայասպան էություն պիտի ունենա մարդ, որ հայ զինվորի սպանության կադրերը դարձնի նախընտրական ձայներ ստանալու զազրելի և էժանագին միջոց: Հունիսի 20-ին դուք գնահատական եք տալու այդ մարդկանց: Տպավորություն է առաջանում, որ թուրքական արտադրության ադրբեջանական «Բայրաքթարները» համատեղ օգտագործման են դրված ադրբեջանական իշխանության և հայկական ընդդիմության որոշ մասի համար»:
Նա նշեց, որ իրենց իշխանությունը չի կրում պատերազմի պարտության պատճառները. «Պատերազմի պարտության պատճառը 25-ամյա ամենօրյա պարտությունն է, որ գրանցել են այդ ուժերը: Դուք 25 տարի պարտվել եք ընտրատեղամասերում` գողանալով և ոտնահարելով հայ ժողովրդի քվեն: Դուք 25 տարի պարտվել եք դատարաններում` ապականելով արդարադատությունը: Դուք 25 տարի պարտվել եք տնտեսության մեջ` ունեզրկելով գործարարներին և քաղաքացիներին: Դուք 25 տարի պարտվել եք դեմոգրաֆիայի մեջ` հայ ժողովրդին մատնելով պանդխտության: Եվ 44-օրյա պատերազմի պարտությունը ձեր հավաքական 25-ամյա պարտության հետևանքն էր, որից դուք այսօր փորձում եք խւսափել, ինչպես խուսափում եք տղամարդավարի բանավեճի գալուց»:
Նրա խոսքով` քաղաքական ջեբկիրները օրուգիշեր փորձում էին ժողովրդի իշխանությունը գրպանել. «Բայց մենք ձեր կողմից մեզ ի պահ տրված իշխանությունը պահպանեցինք և այսօր վերադարձնում ենք ձեզ: ...Ուժի իշխանությունը փողի, կրիմինալի և զոռբայության իշխանություն է»:
Նա նշեց, որ իրենց իշխանությունը չի կրում պատերազմի պարտության պատճառները. «Պատերազմի պարտության պատճառը 25-ամյա ամենօրյա պարտությունն է, որ գրանցել են այդ ուժերը: Դուք 25 տարի պարտվել եք ընտրատեղամասերում` գողանալով և ոտնահարելով հայ ժողովրդի քվեն: Դուք 25 տարի պարտվել եք դատարաններում` ապականելով արդարադատությունը: Դուք 25 տարի պարտվել եք տնտեսության մեջ` ունեզրկելով գործարարներին և քաղաքացիներին: Դուք 25 տարի պարտվել եք դեմոգրաֆիայի մեջ` հայ ժողովրդին մատնելով պանդխտության: Եվ 44-օրյա պատերազմի պարտությունը ձեր հավաքական 25-ամյա պարտության հետևանքն էր, որից դուք այսօր փորձում եք խւսափել, ինչպես խուսափում եք տղամարդավարի բանավեճի գալուց»:
Նրա խոսքով` քաղաքական ջեբկիրները օրուգիշեր փորձում էին ժողովրդի իշխանությունը գրպանել. «Բայց մենք ձեր կողմից մեզ ի պահ տրված իշխանությունը պահպանեցինք և այսօր վերադարձնում ենք ձեզ: ...Ուժի իշխանությունը փողի, կրիմինալի և զոռբայության իշխանություն է»: